Бахшҳо
16 май 2011 12:41Минбари Шумо

Чаро нархи гӯшт 27-сомонӣ?

Болоравии нархи маҳсулоти ниёзи мардум дар бозорҳои пойтахт рў ба афзоиш аст.

Ҳарчанд сабабашро боло рафтани нархи сўзишворӣ арзёбӣ кунанд ҳам, аммо номувофиқатӣ дар нархгузорӣ аз ҷониби  масъулини бозорҳо ба мушоҳида мерасад.

Зимни боздид аз бозори «Варзоб»-и пойтахт чунин ба мушоҳида расид, ки натанҳо қимати молу маҳсулот нисбат ба дигар бозорҳо баланд аст, балки бо зам намудани арзиши иловагӣ аз ҷониби савдогарон ба фурўш монда шудааст. Шодӣ Назаров масъули ин бозор ҳолати мазкурро чунин шарҳ дод: «Нархгузорӣ барои ҳамаи бозорҳои шаҳри Душанбе яксон аст. Айни замон якчанд номгўйи маҳсулот, аз қабили орд, гўшт ва равған таҳти назорати шаҳрдорӣ қарор дорад. Боқимонда маҳсулот ба фурўшандагон вобаста буда, ҳангоми фурўш якчанд сомонӣ ё дирам зам мегардад». Гарчанде нархи 1-халта орд 130 сомонӣ ва 1-литр равған 8 ё 9 сомонӣ  муайян гардида бошад, аммо он берун аз нархномаи мутобиқати бозор орд 135 сомонӣ  ва равған 10 ё 11 сомонӣ  фурўхта мешаванд.

Маҳмад ном савдогар, ки маҳсулотро аз ноҳияҳо вориди бозорҳои пойтахт ва шаҳри Ваҳдат мекунад, чунин гуфт: «Қисми зиёди фурўшандаҳо онҳое ҳастанд, ки маҳсулотро бевосита аз соҳибаш дастрас накарда, ба ҳайси шахси 3-юм ва 4-ум дар бозорҳо ба савдо машғуланд. Яъне маҳсулот то вориди бозор гардидан 4 маротиба гардиш ва ё нархгузорӣ мешаванд». Ба боварии номбурда имкони боз ҳам арзонтар ба фурўш баровардани маҳсулоти ниёзи мардум ҷой дошта, амалишавии он танҳо дар сурати шартнома ва ҳамкорӣ байни бозорҳо ва хоҷагиҳои деҳқонӣ буда метавонад.

Бо сабаби беэътиноии масъулини бозор фурўшандаҳо аз фурсат истифода бурда, қисме аз маҳсулоти хўроквориро бо нархи қиматтар мефурўшанд. Масалан, орди навъи Тоҷикистон 115 сомонӣ нишон дода шудааст, вале 118 сомонӣ, картошка 2-3 сомонӣ, вале 3,3-3,5 сомонӣ, пиёз 2-2,5,  аммо на камтар аз 2,5 сомонӣ фурўхта мешуданд. Сабзӣ бошад, дар нархномаи тасдиқгардида 30 дирам гаронтар аз нархи бозор 3,5 сомонӣ муайян гардидааст. Дар робита ба ин Зарнигор Каримова сокини пойтахт пешниҳод намуд, ки бояд ҳар бозор нархномаи тасдиқнамудаи ҳукумати шаҳрро дар тахтаи эълонҳо насб намоянд. Инчунин ў гуфт: «Гарчанде дар ноҳияи Исмоили Сомонӣ зиндагӣ кунам, аммо ҳамеша барои харидорӣ ба бозори «Шоҳмансур» меравам. Танҳо барои маҳсулоти кам ба ин бозор меоям».

Новобаста аз он ки бозорҳо таҳти назорати масъулин қарор доранд, аммо савдогарон бо ҳар гуна роҳу василаҳои ғайр қонуншиканӣ мекунанд. Вобаста ба ин мушкилот Фарҳод Бобошоев сокини шаҳри Душанбе изҳори нигаронӣ намуда, ба мо чунин гуфт: «Муддати ду рўз аст, ки барои харидани гўшт ба бозори «Варзоб» ва «Шоҳмансур» меоям, вале сифати гўшти ба савдо монда хеле паст аст. Инчунин гўшти устухондорро 23 сомон ва гўшти лаҳми беустухонро аз ин зиёдтар мефурўшанд». Дар бозори «Шоҳмансур» гўшти гўсфанд 24 сомон муайян гардида, ҳангоми фурўш баробари гўшт равған илова мекунанд. Вале дар алоҳидагӣ  гӯшти хуб 27 сомон арзиш дошта, фурўшаш ба таври махфӣ сурат мегирад.

Ин дар ҳолест, ки бо сабаби кам ворид гардидани гўшт дар бозори мазкур дӯконҳои №23, №29, №30 ва №31 аз фаъолият боз мондаанд.

Ҳамзаи Давлат

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)