10 мар 2015 08:36Тоҷикистон / Иҷтимоӣ / Дидгоҳи хос / Тема дня

Боздошти зани муттаҳам дар кӯдакфурӯшӣ дар Рӯзи Модар

Вазорати умури дохилии Тоҷикистон аз боздошти як сокини 34-солаи шаҳри Душанбе хабар додааст, ки дар хариду фурӯши ноболиғон муттаҳам мешавад.

Торнамои расмии ин ниҳод мегӯяд, ин занро рӯзи 8 марти соли равон дар пайи анҷоми чораҳои фаврӣ-ҷустуҷӯӣ дастгир кардаанд: “Муайян карда шуд, ки ӯ тифли навзоди ҷинсаш занро, ки зани 22-сола С. Р., сокини ноҳияи Ёвон моҳи январи соли 2015 таваллуд карда буд, ба шаҳрванд Х.Н., зани 39-сола, сокини ш. Душанбе ба маблағи 6000 рубли ФР ва 800 сомонӣ фурӯхтааст”.

Манбаъ, исми боздоштшударо Д.Р. гуфта ва меафзояд, ин аввалин ҳолати фурӯхтани навзод аз ҷониби ӯ нест: “Инчунин ба боварии шаҳрванд П.Г. соли таваллудаш 1985, сокини ш. Душанбе даромада, тифли навзоди ҷинсаш занро, ки моҳи августи соли 2014 таваллуд намуда буд, барои муваққатан парасторӣ намудан бо худ мегирад. Сипас Д.Р. аз шароити мусоид истифода бурда, бо мақсади ба даст овардани фоида ин тифли навзодро дар назди бозори “Саховат”-и пойтахт барои фарзандхонӣ ба зани 53-солаи сокини ноҳияи А.Ҷомӣ Р.Б. ба маблағи 1500 сомонӣ фурӯхтааст”.

Ба иттилои манбаъ, нисбати ҳодисаи мазкур парвандаи ҷиноятӣ оғоз гардида, тафтишот идома дорад.

Мӯҳр

Хабарҳои монанд:

sash

Ин чи гап хаст. Ба тамоми сохторхои кудрати расониданиям ки бе нихояд аз тарафи занхо бенихояд калобибю берахми анчомидемтай . Ман шохиди як кор гаштам ки занхои мошеникхо хонаи шахсиро ба ичора гирифта пасон хони ба ичора гирифтаашро. Фурухтааст.

Ҷавоб диҳед Иқтибос Шикоят

Саид

Вакте,ки як рухониро бо тухматхои гуногун дастгир карданд ,ягон касро на дуздида буд . То 7-пушташро (гунохояшро аник накарда) бо тв мачалахо намоиш додед.
Ин чи маъно дорад чаро дар тв -хо филмхои тасвири видео карда бо намоиш намегузоранд ,кани адолат?
Дар Точикистон чандин хурду бузург бе ному нишон гум шуда рафтанд аз дасти одамдуздхо (П.Г -ву ДР . ПРСТ )-гуфта мегардед ё наздикони авлоданд ё сумма калон медиханд ин дуздхо ду сабаб дорад .
Акалан расмашона инчо гузоред то мардум шиносанд мумкин мохам шиносем ин авбошхоро ва огох шавем эхтиёткор бошем.
Ин як навъи (бизнес)-и макомот ё Вазоратъхо ?

Ҷавоб диҳед Иқтибос Шикоят

Душанбе

Саид,
саломат боше, бародар! хак ва рост. Нагз мешуд дар оянда пурра бо ному нишону, ва аз кадом нохия омадагиашро, сокинони пойтахт медонистан. о ин хел рафтан гира, Душанбе ба яке аз шахрхои гафлату дуздиву фохишагарии табдил меебад. Пораву дуругу фиребгариш ку хол он ки як тараф.

Ҷавоб диҳед Иқтибос Шикоят

Эзоҳ илова кунед