Жерар Аруд: Ғарб аз Эрон дар ҳарос афтодааст

Жерар Аруд, сафири Фаронса дар СММ таҳдид кард, ки дар сурати идомаи барномаҳои ҳастаии Эрон ин кишвар метавонад бо ҳамлаҳои низомӣ рӯ ба рӯ шавад.

---

Дипломати фаронсавӣ зимни суханрониаш дар як ҷаласаи СММ дар Ню-Йорк ба саволи ин ки дар сурати ба тавлиди силоҳи ҳастаӣ наздик шудани  Эрон, чӣ хоҳад шуд, гуфтааст, бовар дорам, баъзе кишварҳо инро қабул нахоҳанд кард. Аммо сафири Фаронса дар мавриди кадом кишварҳо инро намехоҳанд, чизе нагуфта хомӯширо авло донистааст.

-Агар мо ба музокира бо эрониҳо даст наёбем, хатари зиёди шурӯъи амалиёти низомӣ вуҷуд дорад, илова кардааст Жерар Аруд. Ғарб метарсад,Эрон ба тавлиди силоҳи ҳастаӣ даст меёбад. Шӯрои амнияти СММ чор маротиба Теҳронро барои манъи фаъолият дар ростои ғанисозии ураниум таҳрим кардааст, ҳарчанд худи Эрон пофишорӣ дорад, ки танҳо бо ҳадафҳои сулҳомез мехоҳад, барномаи атомиашро амалӣ кунад.{jathumbnail off} Мӯҳр