20 мар 2015 15:42Тоҷикистон / Сиёсат

Э. Раҳмон дар бораи ҳамла ба осорхонаи “Бардо”-и Тунис

Эмомалӣ Раҳмон, раисиҷумҳури Тоҷикистон, имрӯз, 20-уми март бо ирсоли барқияи тасаллият ба раисиҷумҳури Тунис, Ал-Боҷӣ Қоид ас-Сибси амали террористии мудҳишро дар осорхонаи “Бардо”-и ин кишвар маҳкум кардааст.

Тибқи иттилои дафтари матбуоти раисиҷумҳури Тоҷикистон дар барқияи Эмомалӣ Раҳмон аз ҷумла омадааст, “бо андуҳи бузург хабари таассуфангези амали террористии мудҳишро дар осорхонаи «Бардо»-и кишвар, ки боиси шаҳодати зиёда аз бист нафар сайёҳони хориҷию шаҳрвандони Тунис ва захмӣ шудани теъдоди зиёди мардуми бегуноҳ гаштааст, дарёфт намудам. Ин ҳодисаи фоҷиабор зарурати идомаи муборизаи муташшакилу беамони аҳли башарро алайҳи терроризм қотеъона таъкид менамояд”.

Эмомалӣ Раҳмон бо изҳори таъзия ва тасаллият ба тамоми мардуми дӯсти Тунис, аз раисиҷумҳури ин кишвар хоҳиш кардааст, ки “ҳамдардии амиқи моро ба наздикони қурбоншудагон бирасонанд”. Раисиҷумҳури Тоҷикистон барои маҷрӯҳшудагон шифои комилро орзу намудааст.

Ҳамла ба осорхонаи “Бардо”-и Тунис, рӯзи 18-уми март сурат гирифт, ки дар пайи он беш аз 20 нафар ба ҳалокат расида, даҳҳо нафар маҷруҳ гардиданд. Расонаҳои Ғарб мегӯянд, масъулияти ҳамла ба осорхонаро гурӯҳи “Давлати исломӣ” ба уҳда гирифтааст. Миёни ҳалокшудагон сайёҳон аз Испания, Австралия, Итолиё, Лаҳистон, Фаронса, Колумбия ва Ҷопон низ ҳастанд.

Мӯҳр

Хабарҳои монанд:

точик

Шаш нафаре ки дар русия дар натичаи сухтор халок шуданд чи гунох доштанд ки барои онхо хатто тасаллият баен накардед

Ҷавоб диҳед Иқтибос Шикоят

Саидчон аз Ёкутистон

Рост гуфтед бародари точик. Хар руз аз Россия чандин чавонони нозанинро дар тобут меоранд касе аз давлатдорони мо пинакашро вайрон намекунанд, гуё ин як ходисаи мукарари хаст. .................

Ҷавоб диҳед Иқтибос Шикоят

рудаки

Хатто дар бораи шаш нафари хамватанонамон ки дар татаристон ба халокат расиданд дар ягон расонахои хабари телевизонии точикистон хабар надоданд.Акалан барои тасалият ба хонаводаашон хамдарди баён накарданд хукматдорон.

Ҷавоб диҳед Иқтибос Шикоят

Яъкуб. Душанбешахр.

Ин Рохбари Точикистон факат ба хоричихо хамдарди баён мекунад.Дар Рашт чи кадар чавонони нав ба балогатрасидаро ба катл расонданд, боре ба онхо хамдарди баён накард. гуё дар мо ягон мушкилот вучуд надорад.

Ҷавоб диҳед Иқтибос Шикоят

як гапе

О бо, кори нохуб шудааст, рафикон! Ин омилхои мудхишу нангин ба пешрафти ичтимои ва иктисодии Точикистон халали чидди ворид мекунад.

Ҷавоб диҳед Иқтибос Шикоят

сино

Чаро аз ҳамлаи скинхедҳои рус ба мардуми муҳоҷири тоҷик андуҳигин намешавед ??? О буҷаи давлати роҳбари мекардаи шуморо онҳо пур мекунанд ку.

Ҷавоб диҳед Иқтибос Шикоят

Эзоҳ илова кунед