28 мар 2015 14:10Тоҷикистон / Дидгоҳи хос
Худдории Кабирӣ ва вокуниши се ноиби ӯ ба бастани ҲНИТ
Маҳмадалӣ Ҳайит, муовини раиси ҲНИТ пешниҳоди бастани ҳизбашонро аз ҷониби Шӯрои уламо фармоишӣ хонда, афзуд, ки он аз натиҷаи интихоботҳои соли 2010 ва 2015 гирифта шудааст. Ӯ муътақид аст, ки агар ҲНИТ дар интихоботи соли 2010-ум овозҳои зиёди мардумро намегирифт, мақомоти Тоҷикистон алайҳи ин ҳизб иқдом намекарданд: “Доираҳои муайяне дар ҳукумат ҲНИТ-ро ягона ҳизбе мепиндоранд, ки дар оянда метавонад барои онҳо дарди сар эҷод кунад, зеро то имрӯз шоҳидем, ки барномаҳое, ки барои беҳбуди вазъ рӯи даст гирифтаанд, амалӣ нашудаанду садҳо мушкили дигар, аз ҷумла роҳи пулакӣ пайдо шудаанд”.
Ҳайит аз он интиқод намуд, ки мақомот бисёре аз мушкилоти ҷомеаро нодида мегиранд ва ё онро ба ба ҲНИТ рабт медиҳанд, ки нишонаи бемасъулиятӣ аст: “Имрӯз ягона роҳи халосиро аз ҲНИТ дар баргузории референдум медонанд, ки бо ин роҳ албатта метавонанд наҳзатро банданд, вале наметавонанд маҳбубияти ин ҳизбро ба таври сунъӣ аз мардум дур кунанд. Ин пешниҳоди онҳо ба манфиати сулҳу амнияти кишвар нест, балки хилофи моддаи 28-и Сарқонун аст, ки фаъолияти ҳама гуна ҳизбҳоро кафолат додааст”.
Воҳидхон Қосиддин, муовини дигари раиси ҲНИТ дар суҳбат бо “Озодагон” гуфт бастани як ҳизби сиёсӣ, ки қонунмеҳвар аст, “ҷоҳилӣ” ва зери по намудани Конститутсия аст, ки аз муқаддасоти аслии кишвар аст: “Инро бояд ҳомиёни қонун мавриди санҷиш қарор диҳанд. Дуввум ин, ки фаъолияти ҲНИТ натиҷаи созишномаи сулҳи тоҷикон аст, ки бо он ҳама ифтихор доранд ва дар моҳҳои наздик халқи тоҷик 18 солагии онро ҷашн хоҳад гирифт ва касе ҳақ надорад, ки натиҷаи созишномаи сулҳро зери суол барад. Ва сеюм мувофиқи Қонунҳои конститутсионӣ ташкилотҳои динӣ аз сиёсат ҷудоанд ва на бояд ба корҳои сиёсӣ дахолат намоянд. Аз минбари масҷид истифода намудан, барои ҳалли масъалаи сиёсӣ, ин як қонуншикании дигар аст, ки бояд шахсиятҳои вайронкунандаи қонун барои амалҳояшон ҷавоб гӯянд. Агар воқеан Тоҷикистон давлати демократӣ, ҳуқуқбунёд, дунявӣ ва ягона бошад, бояд қонунҳо аз ҷониби ҳама риоя шаванд. Мо интизори ҷавоби соҳибони қонун ҳастем ва даъво ҳам пешниҳод хоҳем кард”.
Саидумар Ҳусайнӣ, муовини аввали раиси ҲНИТ низ пешниҳодро фармоишӣ хонда, афзуд, ки агар мақомот исбот кунанд, ки ҲНИТ сарчашма ё худ гунаҳкори мушкилот дар Тоҷикистон, аз қабили бекорӣ, бебарқӣ, муҳоҷирати оммавӣ ва ғайра мебошад, онҳо омодаанд худашон аз саҳнаи сиёсӣ канор раванд.
Худи Муҳиддин Кабирӣ, раиси Ҳизби наҳзати исломии Тоҷикистон аз шарҳи пешниҳоди бастани ҲНИТ худдорӣ намуд.
Ин дар ҳолест, ки 28-уми март Домулло Сайид Акбар, муовини раиси Шӯрои уламои Маркази исломии Тоҷикистон дар хутбаи намози ҷумъа хостори расман барҳам додани Ҳизби наҳзати исломии кишвар (ҲНИТ), ягона ҳизби расмии динӣ дар Осиёи Марказӣ шуд. Инчунин ӯ хост то мардум расман бо навиштани нома хостори бастани ҳизб тариқи раъйпурсии умумихалқӣ шаванд.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
