Русский  >>  فارسی  >>  Душанбе 18 феврал 2019, 15:11

“Он сӯи ёдҳо”-и Орзу Исоев нашр шуд

3 апрел 2015, 11:42

Орзу Исоев, хабарнигори шинохтаи тоҷик маҷмӯаи шеърҳояшро дар китобе гирди ҳам овардааст.

Ҷаноби Исоев дар суҳбат бо “Озодагон” гуфт, китоби ашъораш “Он сӯи ёдҳо” ном дошта, бо теъдоди 1500 нусха дар нашриёти “ЭР граф” ба чоп расидааст.

Муқаддимаи ин китоб ба қалами Исфандиёри Назар, шоир ва мушовири рӯзномаи “ИмрӯзNews” таалуқ дорад. Ӯ дар ибтидои китоб навишааст: “Орзу Исоев солҳо корманди телевизон, муаллифи шӯрангезтарин барномаҳои адабӣ, ҳунарӣ ва хабарӣ буд, дар радиоҳои давлатию хусусӣ барномаҳои ӯ шӯреву ҳангомаҳое барпо мекунанд, ки назирашро кам метавон дид. Орзу яке аз чеҳраҳоест, ки намунаи таронаҳои дилангези муосирро, ки фарогири ашёи малмусу мухтареоти рӯзгори ҳозиранд, барои машҳуртарин хонандаҳои рӯз офаридааст. Таронаҳои Орзу бо садои овозхонҳои шинохтае чун Манижа, Шабнам, Нигина ва ғайра дар саросари кишвар ва берун аз он маъруфу машҳур гардидаанд”.

Исфандиёри Назар дар идомаи китоб навиштааст: “Агар аз теъдоди таронаҳои ошиқонаи ӯ, аз чаҳорпораҳои содаи ӯ сарфи назар шавад, мо ба шоире рӯ ба рӯ ҳастем, ки шӯру шавқи Фурӯғи Фаррухзод, Нодирпур, устод Лоиқ ва шахси худашро дорад. Шеърҳои иҷтимоъии ӯ хело қавӣ, дилнишин, муассир ва нишонрас ҳастанд. Ман аз овардани намунаҳо, ба хотир парҳез аз итолаи калом, даст мекашам, зеро хонанда худ бо мутолиаи нахустин шеъри ин дафтар, ки “Орзу” ном дорад, ба ҷаҳони ботиниву бинишу дониши гӯянда рӯ ба рӯ меояд. Дар ин маҷмуа ашъореро мебинем, ки мешавад аз онҳо саҳнаеро ба навор бардошт (ин худ далели он аст, ки шоир ҳамешаҳо дар даст дурбини наворбардорӣ чеҳраҳову ҳолатҳову ҳаводисро филмбардорӣ кардааст), ашъоре ҳаст, ки худ наққоширо мемонанд, ашъоре ҳаст, ки як румони бузургро дар зеҳ меоваранд. (Масалан шеъри “Он ҷо, ки баргро хабар...”, ки аз кӯдаке чаҳорсола ривоят мекунад – аз шахси худаш). Ончи аз моҷарои муҳоҷирату азияти муҳоҷирон, риҷоли сиёсӣ, вазъи кунунӣ Орзу ба шеър меоварад, ҳамаву ҳама хонданӣ, омӯхтанӣ ва мондагоранд. Бешак, ин китоб ҳам аз туҳафи ибтидои роҳи шоирии ӯст. Аминам, ки ҷиддитарин осори мондагори шоирии ӯро дар оянда мехонем ва симои шоири муътабареро дар оянда шоҳид мешавем”.

Орзу Исоев дар гузашта дар телевизионҳои давлатии “Шабакаи аввал”-у “Сафина” фаъолият намуда, як муддат корманди “Тоҷикфилм” ҳам буд. Барномаи “Суҳбати рӯз”-и ӯ дар радиои “Имрӯз” яке аз сершунавандаҳо буд.


Шарҳи худро бинависед:

Ном:*
E-Mail:
Матни шарҳ:
Посух додан
  • Хочи

  • 3 апрел 2015 14:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"малмусу мухтареот"-аш чист ҷаноби Исфандиёр? Мани чаласавод нафаҳмидам, мардуми камсавод аз куҷо фаҳманд? Шумо тоҷикед ё эронию араб? Гумон мекунед, ки бо чунин душворгуи шуморо ҳамчун "шахси босавод" мешиносанд? Вой бар ҳоли тоҷик, ки ба иловаи ватанашу ҷонаш, забонаш ҳам мавриди тохтутози аҷнабиён бо дасти ҳамватанон табдил ёфтааст...
Посух додан
  • хонанда

  • 23 апрел 2015 09:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
инсоф хам чизи хубест, чаноби Исфандиёр! Гулувв кардаед. Бо ашъори шуарои муосири Эрон навиштахои ин шоирро мукояса намояд, аслаш рушан мешавад, ки эшон мондагоранд ё мукаллиду....
Посух додан
  • донишҷӯ

  • 28 апрел 2015 10:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аки Орзу бароятон бурдбориҳо хоҳонам, леки ҳар як кадоми мо ҷавонон канора ҷуйи кнем пас айби моро дигарон ошкор мекунан.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!