23 апр 2015 10:03Оcиёи Марказӣ / Узбакистон

Ширкати бритониёӣ дигар “шоҳзодаи узбак”-ро дифоъ намекунад

Ширкати бритониёии “Davidson Ryan Dore”, ки худро намояндаи расмии Гулнора Каримова, духтари бузурги раиси ҷумҳури Узбакистон муарифӣ карда буд, аз дифои ин “шоҳзодаи узбак” даст кашидааст. Дар ин бора бахши узбакии БиБиСӣ бо такя ба ширкати “Локсли Райана” хабар додааст.

Ба иттилои манбаъ, хонум Каримова ва наздиконаш тобистони соли 2014 шартномаи худро бо ширкати “Davidson Ryan Dore” тамдид намекунанд. Ширкати “Райан” далели рад кардани тамдид шартномаро вазъияти буҳронии Гулнора Каримов шарҳ додааст. Ин ширкат гуфтааст, дар ҳоли ҳозир ҳеч кадоме аз ширкатҳо бо Гулнора Каримова ҳамкорӣ намекунад. Хизматрасониҳои ширкатҳое мисли “Davidson Ryan Dore” миллион доллар арзиш дорад.

Қаблан, ширкати “Davidson Ryan Dore” талош карда буд, аз Гулнора Каримова дифоъ кунад ва аз ӯ ба унвони “қурбонии фитнаҳои сиёсӣ ном бурд”. Ин ширкат он замон ба гузориши созмони “Дидбони ҳуқуқи башар” дар бораи зиндониҳои сиёсӣ дар Узбакистон ҳам ишора кард ва навишт: “Каримова мегӯяд барои даст ёфтан ба адолати додгоҳӣ танҳо ба додгоҳи байналмилалӣ умед дорад”.

Намояандагони ширкати “Davidson Ryan Dore” дар мусоҳиба бо торнамои “Фергана” гуфтаанд, онҳо намедонанд Гулнораро дар Узбакистон бо чӣ асосе муттаҳам медонанд: “Аммо, ӯ метавонад дар ҳама ҷое, ки волоияти қонун ҷо уфтода бошад, аз худ дифоъ кунад”.

Ба додгоҳ кашида шудани қазияи Гулнора Каримов, аз тирамоҳи соли 2013 шурӯъ мешавад. 16 сентябри ду соли пеш додситони Швейтсария алайҳи ин духтари раиси ҷумҳури Узбакистон барои пулшӯӣ таҳқиқоте шурӯъ кард. Ба иттилои расонаҳо, дар ҳоли ҳозир дар робита ба Гулнора Каримова додситониҳои Амрико, Ҳолланд, Шветсия ва Узбакистон таҳқиқот мебаранд.

Мӯҳр

Хабарҳои монанд:

said 03

шохзода ё малика? ба фикрам духтари подшох бошад малика мешавад, агар писар бошад шохзода

Ҷавоб диҳед Иқтибос Шикоят

dado

said 03,
malika hamsari shoh ast...shohzoda durust

Ҷавоб диҳед Иқтибос Шикоят

вуду

Манам фикр кадум ки бади писдухтари малика калонтарова озодагонам ориентатсияша гум кардаст, ки аввалан малика, дувум на малика на шохзода аз ин махлукхо ба мисли шоху шохзода Худованд дар панохаш нигох дорад аз 5 сол зиёд Худованд ба касе сарварии мулк надихад. сарварони худкома кутахумр шаванд. гулнора хам як обиженная аст

озодагон чиро таргиб кардан мехохед? шохони худкомаро шохзода кохзода чи маъни дорад, ин калимахо бояд ба забон оварда нашаванд!

Ҷавоб диҳед Иқтибос Шикоят

Эзоҳ илова кунед