Хадамоти муҳоҷират: Дар садамаи Маскав танҳо ду шаҳрванди Тоҷикистон фавтидааст
Хадамоти муҳоҷирати Вазорати меҳнат, муҳоҷират ва шуғли аҳоли Тоҷикистон бо нашри як изҳорот гуфтааст, дар садамаи нақлиётии шаби 20 апрели соли равон, ки дар шоҳроҳи 19 км МКАД-и Маскав рух дод, танҳо ду муҳоҷири тоҷик ба ҳалокат расидаанд.
Қаблан расонаҳо аз ҳалокати чор табааи Тоҷикистон дар ин садама хабар доданд. Аммо Абдулло Қодирӣ, сухангӯи Хадамоти муҳоҷират мегӯяд, дар пайи санҷиши намояндагии хадамот муайян шуда, ки танҳо ду нафар аз фавтидаҳо - Додов Самад Абдуллоевич (соли таваллуд 1981) ва Шоев Ҷумъахон Усмонович (1970) шаҳрвандони Тоҷикистонанд. Аввалӣ зодаи ноҳияи Ванҷ ва дуюмӣ зодаи ноҳияи Файзобод будаанд ва барои ба расмият даровардани патент дар Маркази бисёрсоҳаи муҳоҷират, шабона барои гирифтани навбат ба шаҳраки Сахарово раҳсипор буданд: “Ду нафар шаҳрванди дигар аз ҷониби Намояндагӣ муайян гардид, ки яке Отаев Акрамҷон шаҳрванди Қирғизистон ва дигаре Юсупов Нуриддин Сумиевич шаҳрванди Узбекистон мебошанд”.
Ҷаноби Қодирӣ мегӯяд, бо мусоидати Намояндагӣ ҷасади шаҳрвандон шаби 21 апрел тавассути ширкати ҳавопаймои “Тоҷик Эйр” ба Ватан интиқол дода шуд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |