27 апр 2015 16:09Оcиёи Марказӣ / Тоҷикистон

Ашки Назарбоев: Узр, ки овози аз ҳад зиёд гирифтам, аммо...

Нурсултон Назарбоев, раисиҷумҳури тозаинтихоби Қазоқистон, зимни анҷуман дар “Сариарк”-и Остона ба мардуми кишвараш, барои иштироки фаъол дар интихобот изҳори миннатдорӣ кардааст.

Тибқи иттилои расонаҳои Қазоқистон, Назарбоев аз ҷумла изҳор дошта, “қазоқистониҳо дар рӯзи интихобот бори дигар муттаҳидию ягонагии худро нишон доданд, ки бар ҳамаи мушкилот ғолиб хоҳад шуд. Қариб тамоми Қазоқистон аз як гиребон сар бароварда дирӯз ба интихобот омад. Ман дидам, ки чигуна одамон бо оила, фарзандону набераҳояшон меомаданду соатҳо ва ҳатто бештар дар навбат меистоданд. Ман ҳамаро дидам. Аз ин ашк дар чашм ҳалқа мезанад, масъулият бештар мешавад, шабу рӯз водор ба фикр мекунад, чи кор бояд кард, то ҳаёти мардуми кишвар беҳтар шаваду ба оянда бо як боварӣ нигоҳ кунад”.

Назарбоев таъкид кардааст, ки мо нишон додем, маданияти сиёсии қазоқистониҳо ин маънои муттаҳидию масъулиятро дорад: “Интихоби раисиҷумҳур ин интихоби оянда худ аст. Ташаккури зиёд ва пеши ҳар қазоқистонӣ сар хам мекунам. Мо ин ҳамаро ба тамоми ҷаҳон нишон додем, чун интихоботро 850 нозир аз 37 кишвар назорат ва ВАО-и 40 кишвар инъикос мекарданд”.

Комиссияи интихоботи Қазоқистон (КИҚ) гуфтааст, дар интихоботи пешазмуҳлати раисиҷумҳур рӯзи 26-уми апрел ба ҷонибдорӣ аз Назарбоев 97,5 дарсади интихобкунандаҳо овоз додаанд. Ба иттилои КИҚ беш аз 95 дарсади мардуми дорои ҳаққи раъй дар он иштирок кардаанд.

Аммо Созмони амният ва ҳамкории Аврупо гуфтааст, интихобот дар Қазоқистон ба далели адами мухолифини ҷиддӣ маҳдуд буд ва ба раъйдиҳандагон интихоби воқеӣ пешниҳод нашудааст.

Худи Назарбоев дар пайи гирифтани овозҳои аз ҳад зиёд изҳор доштааст, ки ин нишондод хоси кишварҳои супердемократӣ нест ва аз нозирони хориҷӣ барои овози зиёд гирифтанаш узр пурсидааст: “Ин нишондод барои кишварҳои демократӣ қобили қабул нест, аммо ман ҳеч кардан натавонистам, зеро агар дахолат мекардам, ин аз рӯи демократия намебуд”,-овардааст аз қавли Назарбоев "РИА Новости".

Нурсултон Назарбоев баъд аз суқути Шӯравӣ ва истиқлол ёфтани Қазоқистон дар соли 1991 ин кишварро раҳбарӣ мекунад.

Қарор буд, интихоботи президентии Қазоқистон дар моҳи апрели соли 2016 баргузор шавад, аммо бо далели ба интихоботи парлумонӣ рост омадани он Анҷумани халқи Қазоқистон пешниҳод кард, як сол қабл гузаронда шавад. Баргузории интихоботи пеш аз муҳлати президентӣ дар Қазоқистон таҷрибаи наве нест. Чор соли пеш дар ин кишвар чунин як интихобот баргузор шуд ва КИҚ эълон кард, Назарбоев 95,5 дарсади овозҳоро соҳиб шудааст.

Мӯҳр

Хабарҳои монанд:

чоркухи

,ба интихобот дахолат накарда бошед хуб.лекин бори пачум президент шуда истодаед,инаш хам демократия будагист...хамин тавр шумо ЧАНОБИ моро табрик мекунед,ЧАНОБИ мо шуморо...шумо акнун ба ашки модаратон касам хуред...

Ҷавоб диҳед Иқтибос Шикоят

Истиклол

Бисёр инсони хуб, мардумаш тарафдори мекунад, ва асосаш муносибаташ бо Президенти Чумхурии Точикистон хеле хуб мебошад, ки хатто гандумро барои Точикистон бо нархи арзон мефурушанд. Ин хамаш хизматхои Чаноби Оли, мухтарам Эмомали Рахмон мебошад.

Ҷавоб диҳед Иқтибос Шикоят

Эзоҳ илова кунед