Аз 22-юми сентябр то 10-уми октябри соли равон дар шаҳри Бокуи пойтахти Озарбойҷон чемпионати ҷаҳон оид ба бокс ҷараён дорад.
Муродалӣ Тешав, сухангӯи дафтари матбуоти кумитаи миллии олимпӣ, ба хабаргузории «Озодагон» гуфт, дар ин чорабинии варзишӣ муштзанони курраи олам, ки синну солашон аз 17 то 34 мебошанд, барои ба даст овардани зинаҳои ифтихорӣ ва муҳим аз ҳама баҳри роҳхат ба бозиҳои олимпӣ талош меварзанд. Варзишгарони тоҷик аз рӯи 10 вазне, ки муқарар шудааст ба ғайр аз вазнҳои 46 ва 64 кило дар дигар вазнҳо қувваозмоӣ мекунанд. Дирӯз се варзишгари тоҷик -Анвар Юнусов дар вазни 56 кило, Мадади Нағзибек, дар вазни 60 кило ва Ҷаҳон Қурбонов дар вазни 91 кило барои роҳхати олимпӣ рақобат намуданд. Анвар Юнусов бо Бойд Люк, варзишгари Австралия рақобат намуда, бо натиҷаи 17 бар 7 дастболо гардид ва роҳхати олимпиро бадаст овард. Ҷаҳон Қурбонов ва Мадади Нағзибек аз дасти рақибони хеш шикаст хурданд. Ба иттиллои манбаъ, муштзанони тоҷик - Сафовуддин Юсуфӣ дар вазни 52 кило , Мадади Нағзибек дар вазни 60 кило , Комилҷон Холлов дар вазни 69 кило, Собирҷон Назаров дар вазни 75 кило, Диловаршо Абдураҳмонов дар вазни 81 кило,Ҷаҳон Қурбонов дар вазни 92 кило ва дар вазни аз 92 кило боло Фаррух Калонов аз идомаи қувваозмоиҳо маҳрум гардиданд.{jathumbnail off}
Мӯҳр