Боздошти 3 масъул дар 1 рӯз барои додугирифти билети ҳарбӣ
Оҷонсии мубориза бо фасоди молии Тоҷикистон дар як рӯз 3 корманди мақомоти давлатиро боздошт намудааст, ки дар гирифтани пора барои тайёр намудани билети ҳарбӣ муттаҳам мешаванд.
Тибқи иттилои ин ниҳод, 8 май дар пайи як амалиёт дар кучаи Фирдавсии шаҳри Ваҳдат, корманди ротаи Хадамоти дидбонию пайраҳадории Шӯъбаи ВКД дар шаҳри Ваҳдат, зимни гирифтани 200 доллари амрикоӣ аз шаҳрванд «М» дастгир шудааст: “Муайян гардид, ки боздоштшуда якҷо бо сардори шуъбаи дуюми комиссариати ҳарбии шаҳри Ваҳдат барои тайёр намудани билети ҳарбӣ ба номи шаҳрванд «А» аз шаҳрванд «М» 300 доллар талаб намуда, 100 долларашро қаблан гирифтаанд”.
Оҷонсӣ таъкид намуд, ки худи ҳамон рӯз, 8 май дар шаҳри Ваҳдат боз як нафари дигар боздошт гардид, дастури муовини комиссари ҳарбӣ-сардори зершӯъбаи сафарбарии комиссариати ҳарбии ноҳияи Файзободро дар робита ба тайёр кардани билети ҳарбӣ иҷро мекардааст. Тибқи иттилои манбаъ, шаҳрванд «А», ки хоҳиш ва дастури муовини комиссари ҳарбӣ-сардори зершӯъбаи сафарбарии комиссариати ҳарбии Файзободро иҷро мекардааст, баъди гирифтани маблағи 400 доллари ИМА аз шаҳрванд «Н», дастгир шудааст: “Муайян карда шуд, ки масъули комиссариати ҳарбии Файзобод барои тайёр намудани билети ҳарбӣ ба номи шаҳрванд «Б», аз шаҳрванд «Н», 400 доллари ИМА, талаб намудааст”.
Оҷонсии зидди фасод афзуд, ки феълан аз рӯи ин ҳодиса нисбати се масъули боздоштшуда парвандаи ҷиноӣ оғоз гардида, тафтишоти пешакӣ идома дорад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |