“Гузашт”-и Ҳалимов Тоҷикистонро "ангуштнамо" кард
Тавре низоми ҷустуҷӯии Гугл нишон медиҳад, танҳо давоми чанд соати охир беш аз 100 расонаи русзабон хабари пайвастани полковники тоҷикро ба “Давлати исломӣ” нашр кардаанд. Аз ҷумла BBC Russian, Интерфакс, РИА Новости, Взгляд, Звезда, телеканал ДОЖДЬ, Московский комсомолец , Новая газета, ГОЛОС АМЕРИКИ, Вести.Ru, Полит.ру, Русская Служба Новостей, Комсомольская правда, РБК, 9 канал Исроил, ЕвроСМИ, FederalPress World News , Русская Служба Новостей, НТВ ва даҳҳо расонаи дигари ИДМ ин хабарро нашр карда, бархе аз расонаҳои Русия таъкид бар он кардаанд, ки собиқ фармондеҳи “ОМОН”-и Тоҷикистон даъвои бозгашт ва барқарор намудани хилофат дар Тоҷикистону Хуросонро кардааст.
Ин дар ҳолест, ки бархе аз коршиносонони дохилии Тоҷикистон низ пайвастани фармондеҳи воломақоми тоҷикро ба ҷабҳаи созмони террористӣ амали нангин барои кишвар хонда, Шодӣ Шабдолов, раиси Ҳизби коммунист ҳатто масъалаи истеъфои тамоми роҳбарони мақомоти қудратиро ба миён гузоштааст ва аз Эмомалӣ Раҳмон, раисиҷумҳури Тоҷикистон даъват кардааст, ки сиёсати кадрияшро бозбинӣ кунад.
Гулмурод Ҳалимов, фармондеҳи 40-солаи дастаи таъйиноти махсуси ВКД ё “ОМОН”-и Тоҷикистон, ки як моҳ қабл аз шаҳри Душанбе бедарак шуд, рӯзи 27-уми май тариқи як навори видеоӣ дар интернет аз пайвастанаш ба созмони “Давлати исломӣ” хабар дод.
Хабаргузории “Азия Плюс” дар пайи нашри ин хабар аз қавли як ҳамхидмати Ҳалимов, ки нахостааш номаш зикр шавад, иттилоъ додааст, ки Ҳалимов чанд сол қабл бо дастури Кумитаи давлатии амнияти миллӣ барои узвияташ дар ҳаракати “Салафия” аз мақомот ронда шуд: “Аммо баъди чанде дубора ба кор барқарор шуд ва унвони фармондеҳро низ гирифт”.
Мусоҳиби “Азия Плюс” изҳор доштааст, ки полковник Ҳалимов миёни ҳамхидматонаш нуфузе надошт ва ягон вақт қобили эътимод набуду наметавонад ҷонибдорон пайдо кунад. Ин ҳамхидмат афзудааст, ки Ҳалимов ҳатто дар ҳаққи Олег Захарченко, собиқ фармондеҳи “ОМОН”, ки зимни як амалиёт дар Рашт кушта шуд, ҳарфҳои нораво мегуфт: “Дар ҳоле, ки Захарченко барои кормандони “ОМОН” фармондеҳи воқеӣ ва як шахси нотакрор буд”. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
