Дар 16 сол тоҷикон дар Қирғизистон 7538 нафар зиёд шудаанд
Бино ба гузориши ахири Кумитаи омори Қирғизистон нуфуси тоҷикон дар ин кишвар дар ҳоли афзоиш аст.
Ин ниҳод гуфтааст, соли равон аз охирин нуфусшуморӣ дар ин кишвар 16 сол сипарӣ шуд ва дар ин давом теъдоди тоҷикон аз 42 ҳазору 636 ба 50 ҳазору 174 нафар расидаанд.
Ба иттилои Кумитаи омор дар ин давом шумораи узбакҳо, дунганҳо, уйғурҳо, туркҳо, озарбойҷонҳо ва туркманҳо низ афзоиш ёфтааст: “Шумораи узбакҳо аз 664 ҳазору 950 нафари соли 1999 ба 836 ҳазору 65 нафар расид. Дунганҳо аз 51 ҳазору 766 ба 64 ҳазору 565 нафар ва уйғурҳо аз 46 ҳазору 944 нафар то 52 ҳазору 456 нафар расидаанд”.
Тибқи омор, дар ҳоли ҳозир дар Қирғизистон намояндагони 29 миллат ва 40 ҳазору 545 шаҳрванди дигар қавмиятҳо зиндагӣ мекунанд. Манбаъ мегӯяд, дар ин 16 сол ҷамъяити кишвар як миллион бештар шудааст. Ба ҳисоби ин ниҳод, соли 2014 шумораи аҳолии Қирғизистон ба 5 миллтону 776 ҳазор расидааст. Шумораи миллати бартар, яъне қирғизҳо, дар тӯли 16 сол аз 3 миллиону 128 ҳазору 147 нафар ба 4 миллиону 193 ҳазору 850 нафар зиёд шудааст. Бо вуҷуди ин шумораи русҳо, украиниҳо, олмонниҳо, қазоқҳо, арманҳо, чеченҳо, татарҳо ва дигар миллатҳо кам шудааст. Шумораи русҳо, ки дар соли 1999-ум 603 ҳазору 201 нафар будааст, соли 2014-ум ба 939 нафар поин омадааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |