Талош барои таъсиси созмони бузурги ҳарбӣ дар Тоҷикистон
Як ширкати тоҷикистонӣ қасд дорад, бо таъсис додани созмони бузурги ҳарбӣ миёни 12 кишвар бо ташкилотҳои террористиву экстремистӣ мубориза барад.
Бахтиёр Бӯриев, раҳбари ҷамъияти масъулияташ маҳдуди “Орзӯи шумо” мегӯяд, ба роҳандозии як созмони бузурги ҳарбие иқдом кардаанд, ки тавони муқобила бо ташкилотҳои террористиву экстремистӣ ва дигар падидаҳои номатлуби ҷомеаро дошта бошад. Ӯ гуфт, мехоҳанд ба ҳайати созмони мазкур 12 кишвари минтақа ва ҷаҳон, бо шумули Тоҷикистон, ИМА, Русия, Қазоқистон, Покистон, Афғонистон ва Чинро ҷалб созанд: “Аллакай ба кишварҳое, ки мехоҳем ба ин созмон шомил бошанд, мактуб равон кардем. Чор давлат розигии худро дод. Ҷавоби ҷумҳуриҳои дигарро интизорем”.
Бахтиёр Бӯриев афзуд, барои ба ҳадаф расидан дар ин самт ба дастгирии ҳукумати Тоҷикистон ниёз доранд. Ин дар ҳолест, ки бино ба иттилои Раҳматилло Зоиров, ҳуқушиноси шинохтаи тоҷик, бар асоси қонунгузории кишвар як ташкилот ва ё иттиҳодияи ғайридавлатӣ наметонанд созмони ҳарбӣ ташкил намояд.
Ташкилоти “Орзуи Шумо” моҳи марти соли равон таъсис ёфта, ба гуфтаи муассисонаш фаъолиятҳои сиёсӣ, тиҷорӣ, иҷтимоӣ ва ихтироъкорӣ мебарад.
Бахтиёр Буриев, раҳбари ширкат мегӯяд, дар моҳи сентябри имсол озмуни ҷумҳуривии “Беҳтарин хонандаи сол”-ро баргузор хоҳанд кард: “Барои ҷои аввал нишони тило, 10000 сомонӣ, се моҳ забономӯзии ройгон ва пардохти маблағи чор соли таҳсил дар донишгоҳ дода мешавад. Ғолиби ҷойи дуюм 8000 сомонӣ, медали нуқра ва туҳфаҳои маишӣ мегирад. Ҷойи севвум бо медали биринҷӣ ва туҳфаҳои маишиву техникӣ сарфароз гардонида мешавад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |