Додгоҳи олӣ шикояти кассатсионии Бурҳон Абдуллоевро баррасӣ мекунад
Додгоҳи олии Тоҷикистон шикояти кассатсионии Бурҳон Абдуллоев, яке аз саҳмдорони бозори “Ином”-и Шаҳритӯсро қабул намуда, ҳафтаи оянда ба баррасии он шурӯъ хоҳад кард. Дар ин бора Раҳматилло Зоиров, вакили дифои Бурҳон Абдуллоев ба “Озодагон” иттилоъ дод. Ба гуфтаи ӯ, аввалин мурофиаи додгоҳӣ дар асоси шикояти кассатсионӣ рӯзи 14 июл дар Додгоҳи олии Тоҷикистон оғоз мешавад.
Додгоҳи вилояти Хатлон Бурҳон Абдуллоев, яке аз саҳмдорони бозори “Ином”-и Шаҳритӯсро рӯзи 30 апрели соли равон дар омодагӣ ба ҷиноят ва қасди сӯзондани бозор муҷрим шинохта, се сол аз озодӣ маҳрум сохт.
Ба иддаои Раҳматилло Зоиров, додгоҳ тамоми далелҳои бегуноҳии зерҳимояашро нодида гирифтааст. Бурҳон Абдуллоев зимни сухани ниҳоияш дар додгоҳ иттиҳом алайҳи худро сохта унвон карда, изҳор дошта буд, он ба кашмакашҳо барои бозори “Ином” бо Муҳибулло Саъдуллоев рабт дорад.
Хонаводаи Абдуллоев яке аз саҳҳомони бозори “Ином” дар ноҳияи Шаҳритӯс ба шумор мераванд, ки бо додарарӯси президенти кишвар - Муҳибулло Саъдуллоев сари тақсимоти ин бозор баҳси додгоҳӣ доштанд. Моҳи майи соли гузашта Додгоҳи олии иқтисодӣ қарор кард, ки бозор байни тарафҳо 50 ба 50 тақсим шавад. Абдуллоевҳо аз ин қарор ба Додгоҳи олии Тоҷикистон шикоят бурда, эълон карданд, дар сурати расидагӣ нашудан ба шикояти онҳо ба барномаи телевизиони “Пуст говорят”-и Шабакаи аввали телевизиони Русия муроҷиат хоҳанд кард.
Аммо моҳи декабри соли 2014 Абдуллоев боздошт шуда, мақомоти умури дохилӣ алайҳи ӯ бо моддаи 32 қисми 3 - тайёрӣ ба ҷиноят ва моддаи 255 қисми 2 - қасдан несту нобуд ё вайрон кардани молу мулк парвандаи ҷиноӣ оғоз карданд. Раҳматилло Зойиров мегӯяд, Бурҳон Абдуллоев ягон ҷиноят содир накарда, барои сӯзондани бозор ҳам супориш надодааст, “дар амалиёти Бурҳон Абдуллоев ягон ҳодиса ё таркиби ҷиноят дида намешавад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |