Миннатдории президенти Қирғизистон аз табибони тоҷик
Нусратулло Салимзода, вазири тандурустии Тоҷикистон мегӯяд, теъдоди хориҷиёне, ки барои табобат ба кишвари мо меоянд, рӯзафзун аст.
Салимзода, имрӯз, 8-уми июл, зимни нишасти матбуотӣ дар Душанбе гуфт, ахиран аз номи раисиҷумҳури Қирғизистон барои табобати шаҳрвандони ин кишвар раҳматнома гирифтаанд. Ба гуфтаи вазир дар Тоҷикистон барои 6 шаҳрванди Қирғизистон ҷарроҳии пайвандсозии гурда гузаронда шудааст.
Ӯ илова намуд, ки феълан теъдоди беморони муроҷиаткунанда ба табибони тоҷик аз Афғонистон, Қирғизистон, Қазоқистон ва дигар кишварҳо зиёд шудааст. Вазири тандурустӣ изҳори боварӣ намуд, ки агар марз бо Узбакистон боз мебуд, теъдоди муроҷиаткунандагон аз ин кишвар шояд аз корафтодагони дохилӣ низ зиёд мешуд.
Нусратулло Салимзода, таъкид кард, ки то соли 2017 дар кишвар барномаи суғуртаи тиббӣ фаъол хоҳад шуд. Қаблан бо пешниҳоди ин ниҳод Маҷлиси намояндагон муҳлати мавриди иҷро қарор гирифтани қонун “Дар бораи суғуртаи тиббӣ”-ро ба далели камбуди маблағ то соли 2017-ум тамдид кард.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |