09 июл 2015 15:50Тоҷикистон / Рӯ ба рӯ
Президент: Шаҳр будани Каронро эътироф кардем
Ӯ гуфт, “мо, бо мақсади хотима гузоштан ба ҳамин баҳсҳо як экспедитсияи муштараки олимонро таъсис додем ва ба ноҳияи Дарвоз сафари корӣ доштем. Дар ин ҳайат бостоншиносони шинохта ҳам буданд. Натиҷаҳои муқадамотии илмӣ дар Шӯрои илмии Институти таърихи Академияи илмҳо баррасӣ шуданд. Хулосаи нахустини илмии мо ин шуд, ки Карон шаҳр аст. Коршиносон гуфтанд, ки тамоми нишонаҳои шаҳрҳои қадим дар Карон мавҷуд ҳаст. Пас Каронро мо ҳамчун шаҳр эътироф кардем”.
Ин дар ҳолест, ки қаблан бархе таърихшиносон гуфтанд, ба хулосаҳои гуруҳи олимон дар мавриди шаҳри қадимӣ будани Карон шубҳа доранд. Яке аз онҳо Раҳим Масов, раҳбари пешини Институти таърих, бостоншиносӣ ва мардумшиносии Академияи улум буд.
Фарҳод Раҳимӣ, президенти Академии илмҳо дар нишасти хабарии имрӯз гуфт, баҳсҳои марбут ба синну соли Карон то ин дам қобили қабул нестанд: “То замоне олимон коршиносона синну солро мушаххас накунанд дар ин бора гап задан афсона аст. Ҳоло баҳсҳо атрофи синну соли шаҳр меравад. Баҳсҳо атрофи синну сол замоне ба охир мерасанд, ки агар мушаххасан мо бо роҳҳову усулҳои муқарраршудаи илмӣ тақиқоти бозёфтҳои Каронро ба анҷом расонем. Барои гузаронидани ин таҳқиқот ба мо 2-3 моҳ фурсат лозим аст”.
Ба гуфтаи президенти академия, баъди 2 ё 3 моҳ дар мавриди Карон як мизи гирд ва як конфронси илмӣ баргузор хоҳанд кард. Оқои Раҳимӣ афзуд, ҳоло Карон ҳамчун мавзеи таърихӣ ва барои омӯзиш ба барномаи таҳқиқоти соли 2016 ворид шуда, Институти таърих супориш гирифтааст, паҳлуҳои гуногуни шаҳри Каронро биомӯзад.
Баҳсҳо дар мавриди шаҳри қадим будани Карон на танҳо миёни олимони соҳа, балки дар шабакаҳои иҷтимоӣ ва расонаҳои хабарӣ низ зиёданд. Фарҳод Раҳимӣ мегӯяд, аз баҳсҳои атрофи шаҳри Карон дар расонаҳо огаҳӣ доранд: “Мутаасифона бештар онҳое менависанд, ки худ таърихшинос ва бостоншинос нестанд ва бо як диди бисёр кутоҳандешона фикру ақида баён мекунанд”.
Карон як мавзеъ дар 5 километрии маркази ноҳияи Дарвоз аст, ки соли 2012 аз ҷониби бостоншинос Юсуфшоҳ Ёқубов кашф шуд. Оқои Ёқубов борҳо дар баҳсҳо ва расонаҳо иброз дошт, ин шаҳр таърихи наздик ба 4 ҳазорсола дошта, дорои театру амфитеатру расадхона ва дигар намунаҳои тамаддуни марбут ба шаҳрҳои қадим мебошад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
