Одиназода дар бораи болоравии нархи роҳкиро, об, барқ ва таҳсил (ВИДЕО)
Одиназода имрӯз, 23-юми июл зимни нишасти матбуотӣ дар Душанбе гуфт, корхонаи “Хоҷагии манзилию коммуналии Тоҷикистон” ба ин ниҳод барои боло бурдани ҳаққи хизматрасонии об муроҷиат кардааст: “Онҳо пешниҳод кардаанд, ки ҳаққи хизматрасонӣ барои об 38 дарсад боло бурда шавад ва мо инро дар мувофиқа бо ҳукумати Тоҷикистон баррасӣ мекунем”. Маврид ба зикр аст, ки ин хоҷагӣ ба истиснои Душанбе дар навоҳии дигари кишвар ба хизматрасониҳои коммуналӣ машғул аст ва феълан барои ҳар метри мукааб об аз 0,8 то 1 сомонӣ ҳаққи хизматрасонӣ мегирад.
Дар мавриди нархи барқ Одиназода изҳор дошт, ки то ҳол аз ҷониби “Барқи тоҷик” дар ин бора пешниҳоде нашудааст ва дар сурати дастрас шудани пешниҳод онро ба ВАО ироа хоҳад кард.
Инчунин ноиби раиси Хадамоти зиддиинҳисорӣ тасдиқ кард, ки муассисаи давлатии “Душанбенақлиётхадамотрасон” пешниҳод кардааст, нархи роҳкиро дар пойтахт баланд бардошта шавад: “Мо ин пешниҳодро омӯхтем ва хулосаи худро ба мақомоти иҷроияи маҳаллии шаҳри Душанбе ироа кардем. Қарори ниҳоиро онҳо қабул мекунанд”.
Ба гуфтаи масъулини Хадамоти зиддиинҳисорӣ пешниҳод шудааст, ки ҳаққи роҳкиро дар Душанбе то 14-15 фоиз баланд бардошта шавад, вале тасмими ниҳоиро Маҳмадсаид Убайдуллоев, раиси пойтахт мегирад. “Душанбенақлиётхадамотрасон” зимни ироаи асосҳо барои боло бурдани ҳаққи роҳкиро изҳор доштааст, қисмҳои эҳтиётӣ қимат шудаанд ва мусофиркашҳо фарсуда шудаанду ниёз ба таъмир доранд.
Роҳкиро дар мусофиркашҳои Душанбе тобистони соли 2011 бо қарори шаҳрдорӣ 1,6 сомонӣ муайян шудааст, аммо ронандаҳо аксаран аз мусофирон 2 сомонӣ мегиранд.
Дар баробари ин ноиби раиси Хадамоти зиддиинҳисорӣ инчунин иттилоъ дод, ки аз моҳи сентябри соли равон нархи хизматрасонии пулакӣ дар муассисаҳои давлатии таълимӣ то 10 дарсад боло хоҳад рафт: “Ин аллакай тасдиқ шудааст. Онҳо барои боло бурдани нарх муроҷиат карданд ва онро асоснок карданд. 65-70 фоизи хароҷоти муассисаҳои таълимиро музди меҳнати кормандон ташкил медиҳад, ки ба ин фонди иҷтимоӣ низ ворид мешавад. Инчунин хароҷоти коммуналӣ, сохтмонӣ ва ғайра доранд. Баъзе донишгоҳҳо то 30-40 фоиз боло бурдани нархҳоро пешниҳод мекунанд, аммо мо ҳамаи дархостҳояшонро қабул намекунем, онро кам мекунем. То 10 фоиз расондем”.
ВИДЕОҲОИ суҳбати Одиназодаро метавонед дар ин ҷо тамошо кунед Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
