Юсуфи 23-сола аз беморхонаи “Қарияи боло” гум шудааст
Юсуф Абитов, сокини 23 солаи ноҳияи Шоҳмансури шаҳри Душанбе як ҳафта пеш аз беморхонаи Қарияи болои пойтахт баромада, бедарак шудааст.
Роҳбар Абитова, модари ин ҷавон дар суҳбат бо “Озодагон” гуфт, Юсуф рӯзи сешанбе, 21 июли соли равон аз беморхонаи Қарияи боло берун рафта, то ҳол ёфт нашудааст: “Писарам маъюби гуруҳи дуюм аст ва вақтҳои охир бемории эпилепсия дошт. Барои ташхис ба беморхонаи Қарияи боло рафта, навбати худро интизор будем. Баъди чанд муддат Юсуф гуфт, ба берун мебарояду зуд бармегардад. Аммо 6 рӯз шуд, ки аз ӯ дараке нест. Бори охир ӯро дар наздикии Боғи ҳайвоноти Душанбе дидаанд”.
Хонум Абитова мегӯяд писараш қаблан ягон бор хонаро тарк накардааст ва ягон бемории руҳӣ низ надошт. Ин модар барои ҳарчӣ зудтар пайдо намудани фарзандаш инчунин иттилоъ дод, ки “пояш кам-кам мелангад ва ҳангоми баромадан дар тан либоси кабуд дошт”.
Роҳбар Абитова аз тамоми шаҳрвандони кишвар хоҳиш дорад, ки дар сурати пайдо намудани иттилоъ дар бораи фарзандаш бо рақамҳои 908-55-28-44, 909 17 85 41 занг зананд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |