06 авг 2015 11:45Тоҷикистон / CV / Ҷавонон ва варзиш

300 ҳазори Э.Раҳмон ба ғолибони мусобиқаҳои байналмилалӣ

Мукофоти пулии Ҷоизаи Президенти Тоҷикистон барои ғолибон ва ҷоизадорони мусобиқаҳои байналмилалии варзишӣ, ки аз ҳисоби маблағҳои Фонди захиравии Президент таъсис ёфт, муайян гардид.

Варзишгарони тоҷики ғолиби мусобиқаҳои байналмилалии варзишӣ аз ин ба баъд бо мукофоти пулӣ дар ҳаҷми 300 ҳазор сомонӣ қадрдонӣ хоҳанд шуд.
Инчунин ба варзишгароне, ки дар муосбиқаҳои байналмилалӣ медали нуқра ё биринҷӣ ба даст овардаанд, мутаносибан 200 -150 ҳазор сомонӣ мукофот таъйин шудааст.

Эмомалӣ Раҳмон, раисиҷумҳури Тоҷикистон барои ҳавасманд кардани варзишгарони тоҷик моҳи январи соли равон зери фармоне имзо гузошт, ки аз ҳисоби фондаш барои ғолибони мусобиқаҳои байналмилалӣ ҷоизаи махсус ташкил карда шавад.

Дафтари матбуоти раисиҷумҳури Тоҷикистон он замон гуфт, раисиҷумҳур ба ҳукумати кишвар ду моҳ муҳлат дода буд, то Низомнома ва ҳайати Комиссияи мукофотпулиҳои Ҷоизаи Президентро таҳия ва тасдиқ намояду масоили ташкилӣ, ҳуқуқӣ ва молиявиро ҳал кунад.

Ин дар ҳолест, ахиран масъулини Кумитаи ҷавонон, варзиш ва сайёҳии Тоҷикистон аз муайян шудани ступендия дар ҳаҷми 1000 доллари амрикоӣ барои иштирокдорони тоҷик дар олимпиадаи соли 2016 хабар доданд.

Дар олимпиадаи соли 2016 аз Тоҷикистон 15 варзишгар иштирок хоҳад кард. Роҳбарии гуруҳи мунтахаби Тоҷикистонро Дилшод Назаров, варзишгари маъруфи тоҷик бар уҳда дошта, барои омодагии ин тим аз ҳисоби буҷети давлат 700 ҳазор сомонӣ ҷудо шудааст.

Мӯҳр

Хабарҳои монанд:

Фараҳманд

Салом алайкум. Ин иқдоми хуб аст, аммо ман ҳайрон, агар барои ҷавононе, ки обруи миллати тоҷикро дар соҳаи варзиш дар арсаи ҷаҳонӣ боло мебаранд мукофотпулӣ таъин шуда бошад... Пас барои ҷавононе, ки дар озмунҳои фанни(яъне физика, математика, информатика ва ва ва ...) байналмилалӣ ҷойҳои намоён(1,2, 3)-ро соҳиб мешаванд чаро ҷоизапулӣ таъин карда намешавад? Магар дар ҷумҳурии мо танҳо меҳнатӣ ҷисмонӣ қадрдонӣ карда мешавад? Ва заҳматӣ фикрӣ ҳеҷ арзишеро қоил нест? Масалан ҷавоне, ки дар якчанд озмунҳои байналмилалӣ барандаи озмун мешавад, аз сабабе ки заҳмати вай ҳеҷ арзише дар ҶТ надорад дар сурати даъват шудан ба корхонаҳои хориҷи баромада аз ҷумҳури меравад, ва ҳамчунин ҷавонони дигар..... барои намуна (https://www.ozodi.org/content/interview-with-mehrubon-turaev/27169262.html) марҳамат.

Ҷавоб диҳед Иқтибос Шикоят

Варзишгар

Озодагони азиз. Стипендиро кумитаи байналмилалии олимпи ба 15 варзишгари бехтарини Тоочикистон барои омодаги барои ба даст овардани литсензияхои Олимпи чудо мекуунад. Ин манои онро надорад, ки хамон 15 варзишгар ба олимпиада меравад. Ба олимпиада онхое мераванд, ки бо натичахоои ба даст овардаашон холхои заруриро мегиранду литсензия ба даст меоранд. То имруз танхо Дилшод Назаров чунин литсензияро ба даст овардааст. Як соли дигар барои дигарон вакт аст. Агар 100 кас холхои заруриро бо натичахои баландашон ба даст оранд, рафта иштирок мекунанд. Масалан аз гущтини дзюдо 22 варзишгар дар хар вазн аз 22 кишвар аз байни 204 кишвари иштирокчи метавонад, иштирок кунад. Худо ба варзишгаронамон барор дихад. Имруз онхо дастгири ебанд фардо бо навбати дигар бахшхо низ мерасад. Ба пеш олимпичиени Точик.

Ҷавоб диҳед Иқтибос Шикоят

Душанбе

Додгохи Олии кишвар хукми суди зинаи поениро чихати чуброни зарар ва пардохти маблагро барои Шахбол Мирзоев бекор кардааст. Ба чунин оилахое, ки фарзандашон дар хизмати харби маъюб ва ё талаф мешаванд ягон маблаг дода намешавад? Мухтарам масъулини КУМИТАИ ЧАВОНОН... сарбозонам ба категорияи чавонон дохил шуда шахрванди кишвар мебошанд барои хамин ходисахои номбурда ягон консепсия ва ё барнома тахия ва ба Хукумат пешниход намоед намешавад?Фараҳманд,

Ҷавоб диҳед Иқтибос Шикоят

Эзоҳ илова кунед