07 авг 2015 10:49Тоҷикистон / Иҷтимоӣ / Мусоҳибаҳо / Сӯҳбати рӯз / Видео / Тема дня

(ВИДЕО) Скрипканавоз аз Руминия: Кӯлоб дар дили ман аст

Як ҷаҳонгарди руминиягӣ мегӯяд, меҳмоннавозӣ ва меҳру муҳаббати тоҷикистониён ӯро ошиқи ин кишвар кардааст.

Мария, сайёҳе аз Руминия, ки як моҳи ахир дар Тоҷикистон қарор дорад, Тоҷикистонро кишвари дӯстдоштанӣ таъриф кард. Хабарнигори “Озодагон” шоми рӯзи 6 август замоне бо ӯ суҳбат кард, ки дар хиёбони Рӯдакии шаҳри Душанбе скрипка менавохт.

Мария мегӯяд, ҳамроҳи ҳамсараш ҷаҳонгардӣ мекунад: “Сайёҳати мо аз Ҳиндустон шурӯъ шуд. Тавассути ҳавопаймо ба Қазоқистон омадем ва аз онҷо ба Қирғизистон”.

Ин сайёҳи руминиягӣ гуфт, аз Қирғизистон ба Помири Тоҷикистон омаданд ва инак як моҳ аст, кишвари моро тамошо мекунанд: “Дар кӯчаҳо мусиқӣ менавозем ва барои давом додани сайёҳат пул пайдо мекунем. Вақте дар кӯчаҳо скрипка менавозем, одамон бо ҳайрат ба мо нигоҳ мекунанд. Мегӯянд, бори аввал навохтани скрипакаро дар кӯчаҳо мебинем”.

Ӯ афзуд, дар бораи Тоҷикистон маълумоти умумӣ дошт ва намедонист инҷо онҳоро чӣ интизор аст: “Мисли як сюрприз шуд. Ин ҷо ҳар рӯз чизҳои навро таҷриба мекунем. Тоҷикон хеле мардуми меҳмоннавоз ҳастанд. Ба хонаҳояшон даъват мекунанд ва дастурхон меороянд. Ҳамеша мегӯям, ки Тоҷикистон кишвари дӯстдоштатарини ман аст”.

Мария мегӯяд, аз ҳама бештар шаҳри Кӯлоб барояшон писанд омадааст. “Шаҳри зебо нест, аммо вақте дар бозор будем, тамоми фурӯшандаҳо барои мо ройгон мева медоданд ва ба хонаҳояшон даъват мекарданд. Ду рӯз дар Кӯлоб дар хонаи як сокини ин шаҳр зиндагӣ кардем. Барои мо хурокҳои миллӣ пӯхтанд ва аз ҳама зиёд ош писандамон омад. Кӯлоб дар дили ман аст”,-изҳор дошт вай.

Ин сайёҳ гуфт, се рӯз мешавад, ки дар Душанбе ҳастанд ва ҳоло ин шаҳрро хуб наомӯхтаанд: “Душанбе як андоза ба шаҳрҳои Аврупо монанд аст”.

Мӯҳр

Хабарҳои монанд:

Бандаи Худо

Фархангу маданияте, ки холо дар Душанбе руш карда истодааст хатто аз фархангу маданияте, ки дар Аврупо аст бадтар аст. Зуд аст, ки ин фархангу маданияти дар холи рушд дар Душанбе дарди сарамон мешавад. Инсондусти кариб, кидар Душанбе гум шуда истодааст. Хама материалисти ашади шудаанд, мардум дасти якдигарро намегиранд дар холати зарури, дар роххо фасодиву бемаънигари хеле зиёд шудааст, ки ба насли наврас зарари калонтарини манфи мерасонад.

Ҷавоб диҳед Иқтибос Шикоят

кулябец

Бандаи Худо,
Душанберо намедонам, лекин мардуми Кулобшахр нихоят мехмондустанд.

Ҷавоб диҳед Иқтибос Шикоят

сорбон

Мардуми Кулоб нангу номусро дар мадди аввал мегузоранд аз ин ру обруманданд.

Ҷавоб диҳед Иқтибос Шикоят

Али

Мария дар Кулоб хамрохи мо буд

Ҷавоб диҳед Иқтибос Шикоят

Эзоҳ илова кунед