Дуруст бинависем: “ИНТИҚОЛИ ПУЛ” ниёзе ба “Ӣ” надорад
ИНТИҚОЛИ ПУЛ – ИНТИҚОЛИ ПУЛӢ. Ин иштибоҳ, ки бисёр фарогир шудааст, дар ҳамаи лавҳҳои таблиғии насбшуда дар хиёбонҳои шаҳр, рӯзномаҳо, гуфтори радиё ва телевизион ба чашму гӯш мерасад ва асабҳоро меларзонад, тарҷумаи ҳарфбаҳарфи ибораи “денежный первод” аст. Дар ин ибора ҳеч ниёзе ба анҷомаи “ӣ” нест. Хулоса, шакли дурусти ин ибора “интиқоли пул” мебошад.
Умуман, ҳини тарҷумаи ибораҳои русие, ки пасванди сифатсоз ва нисбатсози русии “ий” доранд, ҳама вақт ин пасвандро ба пасванди ҳамтои он дар тоҷикӣ яъне “ӣ” набояд багардонд, балки ба табиати забони тоҷикӣ дар ҳамон мавриди хосс бояд таваҷҷуҳ кард. Масалан, “железная ложка”-ро метавон қошуқи оҳанӣ тарҷума кард аммо “железная дорога” ҳаргиз “роҳи оҳанӣ” тарҷума намешавад, балки бояд “роҳи оҳан” гуфту навишт. Ҳамчунин “фабрикаи коғазӣ” комилан ғалат аст, балки фабрикаи (аслаш корхонаи коғаз, коғазбарорӣ ҳам не) мешавад, “намоишгоҳи китобӣ” ҳам бо тарҷумаи таҳтуллафзи “книжная выставка” комилан ғалат аст ва “намоишгоҳи китоб” бояд навишт.
Мутаассифона, имрӯзҳо дар аксари тарҷумаҳои коргузорӣ, лавҳаҳои таблиғӣ ва навиштаҳои тавзеҳотӣ ва роҳнамо ин назокат забон риоя намешавад.
Рустами ВАҲҲОБ
(Аз саҳифаи
“Дуруст бинависем”)
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |