Пешниҳод барои роҳандозии бахши тоҷикии сайти ФМС
Як фаъоли Палатаи ҷамъиятии Русия ба раҳбари Хадамоти федеролии муҳоҷират ё ФМС пешниҳод кардааст, шахли тоҷикӣ ва узбакии сомонаи хадамотро роҳандозӣ намоянд.
Баҳром Исмоилов, раҳбари созмони ҷамъиятии “Кишвари бидуни нажодпарастӣ ва бегонаситезӣ” ба Константин Ромадановский пешниҳод намудааст, иттилои торнамои ФМС-ро ба забонҳои тоҷикиву узбакӣ тарҷума намоянд. Ин фаъоли ҷомеаи шаҳрвандӣ гуфтааст, хориҷиҳо бо забони русӣ хуб балад нестанд, ки тамоми маълумоти сайти хадамотро бифаҳманд, аз ин рӯ нодониста муқаррароти қонунро нақз мекунанд, менависад “Известия”.
Ба иттилои манбаъ, Исмоилов ин пешниҳодро бар асоси маълумоти ФМС дар мавриди теъдоди шаҳрвандони хориҷӣ дар Русия, ки бештари онҳоро табааи Тоҷикистону Узбакистон ташкил медиҳад, ироа кардааст: “Дуруст аст, ки надонистани қонун аз ҷавобгарӣ озод намекунад, аммо тоҷикон ва узбакҳо бо далели надонистани забони русӣ, ғайриихтиёр ба вайронкунандаҳои қонун табдил меёбанд. Масалан, онҳо дар мавриди тағйири низоми буду бош дар Русия аз 180 шабонарӯз ба 90 шабонарӯз замоне огоҳ мешаванд, ки дар марз ба мушкили манъи вуруд дучор мегарданд”.
“Известия” мегӯяд, ба пешниҳоди Баҳром Исмоилов намояндаҳои ФМС посух додаанд, ки “дар чорчуби шартномаи давлатии “Тавсеа ва дастгирии сайти расмии ФМС” роҳандозии шакли англисии сомона дар назар аст, ки қарор аст якуми декабри имсол фаъол гардад. Масъалаи шакли тоҷикӣ ва узбакӣ мавзӯи бисёрҷабҳа буда, ба маблағгузории иловагӣ ниёз дорад”.
Тибқи муқаррароти ахири Русия, ки аз оғози соли 2015 роҳандозӣ шуд, шаҳрвандони хориҷӣ, ки барои кор ба ин кишвар меоянд, имтиҳони забони русӣ месупоранд. Ба омори ғайрирасмӣ беш аз як миллион шаҳрванди Тоҷикистон дар муҳоҷирати меҳнатӣ дар Русия қарор дорад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |