Президент аз Вазорати маориф хост, ҳангоми нашри китобҳо саросема нашавад
Ӯ аз паст будани сатҳи дониши хатмкунандагони имсол нигаронӣ карда, гуфт, “ихтисосҳои омӯзгорӣ аз ҷониби довталабон кам интихоб шуда, нақшаи қабул дар ин муассисаҳои таълимӣ низ иҷро нагардидааст”.
Раисҷумҳури Тоҷикистон аз паст будани сатҳи дониши хамткунандагони имсолаи макотиби миёнаи кишвар шадидан нигаронӣ карда, ба он бархе аз волидайн, худи донишомӯзон ва раванди омодасозии муаллимонро гунаҳкор донист. Раисҷумҳур афзуд, “натиҷаҳои имсолаи тавассути Маркази миллии тестии назди Президенти Ҷумҳурии Тоҷикистон қабул намудани довталабон ба муассисаҳои таҳсилоти олии мамлакат нишон дод, ки сатҳи дониши хатмкунандагони мо ҳоло ҳам ба талабот ҷавобгӯ нест. Агар як сабаби сустии дониши хонандагон масъулияти дуруст эҳсос накардани як қисми падару модарон ва худи хонандагон дар интихоби касбу ихтисос бошад, иллати дигараш дар паст будани сатҳи омодасозии муаллимони оянда дар муассисаҳои таҳсилоти олии омӯзгорӣ мебошад. Ҳар ду омил боиси нигаронӣ буда, ҳарчи зудтар ислоҳ кардани онҳо ба беҳтар шудани сифати таълим мусоидат менамояд”.
Ба қавли Эмомалӣ Раҳмон, имсол ба тариқи тестӣ 73700 нафар довталаб ҳуҷҷат супорида, 36000 нафар дохил шудааст. Яъне нақшаи қабули донишҷӯён ба муассисаҳои таҳсилоти олии мамлакат 77,2 фоиз иҷро шудааст. Дар ҳоле ки ин нишондод дар соли гузашта 66,4 фоизро ташкил дода буд: “Бо вуҷуди он ки саволномаҳои тестӣ нисбат ба соли гузашта содда карда шудаанд, ба ихтисосҳои равияи таббииву техникӣ довталабон кам ҳуҷҷат супорида, натиҷаи имтиҳонҳояшон ҳамагӣ 69 фоизро ташкил кард ва нақшаи қабул дар ин равияҳо ба таври қаноатбахш иҷро нагардид.
Раисҷумҳур таъкид кард, ки натоиҷи имтиҳонҳо дар Маркази миллии тестӣ паст будани сатҳу сифати таълим дар макотиби кишварро ошкор сохтаааст: “Натиҷаҳо ошкор сохт, ки сатҳу сифати таълим дар кишвар беҳбудии ҷиддӣ мехоҳад ва масъулони соҳаи маориф, роҳбарони мақомоти иҷроияи маҳаллии ҳокимияти давлатӣ ва дигар сохтору мақомотро зарур аст, ки ба сифати таълим диққати махсус диҳанд ва назоратро дар ҳамаи муассисаҳои таълимии кишвар пурзӯр намоянд”.
Эмомалӣ Раҳмон аз шикояти бархе аз довталабон низ ёдовар шуда, афзуд, ки имсол аз ҷамъи умумии довталабон ҳамагӣ 66 нафар аризаи шикоятӣ навиштаанд, ки аз ин ҳисоб 44 нафар бо сабабҳои техникӣ иштибоҳ кардаанд. Раисҷумҳурим кишвар дар идома ба масъалаи табъу нашри китобҳои дарсӣ низ дахл карда, аз масъулини Вазорати маориф ҳалли мушкилҳои ҷойдошта дар ин самтро хостор шуд. Ӯ гуфт, масъулини Вазорати маориф бояд ҳангоми таҳия ва чопи китобҳои дарсӣ ва барномаҳои таълимӣ риояи қоидаҳои имлои забони тоҷикӣ ва меъёрҳои забони давлатиро риоя кунанд, чун ба қавли ӯ, пурмазмуну бехато интишор ёфтани китобҳои дарсӣ шарти зарурӣ ва талаботи давлатӣ ба шумор меравад: “Вазорати маориф ва илмро зарур аст, ки ҳангоми чопи китобҳои нав ба саросемагӣ роҳ надода, онҳоро қаблан аз назари омӯзгорони пуртаҷриба, мутахассисон ва муҳаррирон гузаронида, баъди санҷидан дар мактабҳои таҷрибавӣ тавассути Шӯрои миллии таҳсилот ба нашр тавсия намояд”.
Эмомалӣ Раҳмон инчунин хостори тарҷума шудани бархе аз китобҳои дарсӣ, аз ҷумла таърихи халқи тоҷик, ҷуғрофия ва монанди инҳо аз забони тоҷикӣ ба русӣ шуда, таъкид кард, ки дар дохили кишвар ба теъдоди зарурӣ чоп кардани китобҳои дарсӣ барои мактабҳои забони таҳсилоташон русӣ ниёзе пеш омадааст ва иҷрои ин кор вазифаи масъулони соҳа мебошад: “Ҷиҳати амалӣ намудани ин тадбирҳо маблағҳои давлатӣ ва лоиҳавӣ пешбинӣ шуда, босифат ба анҷом расонидани онҳо вазифаи аввалиндараҷаи масъулони соҳаи маориф мебошад”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
