Дасти хайр: Барои боз шудани панҷаҳои Шаҳнозахон кумак расонед (АКС)
Башорат Бобоева, як сокини шаҳри Хуҷанд барои муолиҷаи наберааш, ки аз дарди “Обиласори модарзодӣ” ва “Гепатит С” ранҷ мебарад, барои кумакхоҳӣ ба Душанбе омадааст.
Ӯ ба дафтари “Озодагон” омад ва гуфт, чанд рӯз мешавад, ки дар баъзе нуқтаҳои серодами пойтахт лавҳаҳои дархости кумак насб мекунад. Хонум Бобоева мегӯяд, наберааш -- Шаҳнозахон Зоидбоева 17 сол дошта, аз модар бо чунин беморӣ ба дунё омадааст.
Ба қавли ин сокини шаҳри Хуҷанд, барои табобат Шаҳнозахонро чанд маротиба Русия бурданд, аммо бенатиҷа будааст: “Қаблан, падараш дар Русия кор мекард ва чанд бор барои табобат ба беморхонаҳои он кишвар бурд, аммо ягон натиҷа надод”.
Ӯ мегӯяд, танҳо табибони Исроил кафолат додаанд, ки метавонанд Шаҳнозахонро муолиҷа намоянд, аммо ин табобат маблағи зиёдро талаб мекунад: “Барои харидории баъзе доруву лавозимот, ки барои панаҳ кардани ҷойи яраҳо лозиманд, маблағ надорем, чӣ расад ба рафтан ба Исроил”.
Хонум Бобоева афзуд, панҷаҳои наберааш кушода намешаванд ва ҳоло тамоми талошашон барои он аст, то ҳадди ақал тавассути ҷарроҳӣ онро боз кунанд: “Мо имрӯз ҳастем, пагоҳ нестем. Мегӯем, панҷаҳояшро ҷарроҳӣ кунем, ки ақалан хӯрокашро худаш омода кардаву хурда тавонад. Табибони Маскав гуфтанд, ки ҷарроҳии панҷаҳояшро бар ивази 12 ҳазор доллар анҷом медиҳанд. Аммо ин қадар маблағ надорем”.
Ба гуфтаи вай, падари Шаҳнозахон се сол қабл даргузашт ва маоши модараш -- Шаҳло Зоидбоева, ки инчунин ду фарзанди дигар дорад, барои пешбурди рӯзгор намерасад: “Бинобар ҳамин ҳамчуни як модар, як бибӣ аз кулли мардуми кишвар шахсони саховатманд, модарону занони ҳимматбаланд, ки бори гарони ятимиро аз сар гузаронидаанд ва ё медонанд, кумак мехоҳам. Охирин умедамон аввал ба Худованд ва баъдан ба Шумо ҳамдиёрони азиз мебошад”.
БАРОИ ТАМОС: 927645332 (модари Шаҳнозахон), 927565990 (бибии Шахнозахон)
ОАО Банк Эсхата Ф-л ГСБ РТ "Амонатбонк"
ш.Хужанд, к.Гагарин 135 р/счет 26202972600055224000
МФО 350501707 ИНН 510004599
к/счет 20402972757071000000 МФО 350101626
р/счет 20216972000038000000 к/счет 20402972316264
ИНН 510004229 №172197
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |