Русский  >>  فارسی  >>  Ҷумъа 23 феврал 2018, 15:45

Нашри китоби “Дуруст бинависем”-и Рустами Ваҳҳоб

6 октябр 2015, 09:56

Китоби нави Рустами Ваҳҳоб, шоир ва адабиётшиноси шинохтаи тоҷик бо номи “Дуруст бинависем” нашр шуд.

Рустами Ваҳҳоб дар суҳбат ба “Озодагон” гуфт, ин китоб дар нашриёти “Сухан”-и Иттифоқи нависандагони Тоҷикистон бо теъдоди 500 нусха ба чоп расидааст. Ӯ мегӯяд, дар китоб шумори зиёди иштибоҳоте, ки ба такрор дар матбуот, таълифоти илмию бадеӣ ва гуфтори радиёву телевизион ба назар мерасад, баррасӣ гардида, шакли дуруст ва саҳеҳи калимаю ибораҳо, мавқеи корбурд ва тарзи баёни онҳо тавзеҳ дода шудааст.

Ба гуфтаи муаллиф, китоб барои адибону хабарнигорони ҷавон ва умуман алоқамандони омӯзиши амалии забон судманд буда, маводи он ҳамчунин бо салоҳдиди устодон метавонад дар дарсҳои амалии забоншиносӣ, услубшиносӣ ва матншиносӣ чун дастури таълимӣ ва василаи иловагии омӯзиш мавриди истифода қарор дода шавад.

Дар шабакаи иҷтимоии Фейсбук бо номи “Дуруст бинависем” саҳифае фаъол аст, ки онро Рустами Ваҳҳоб гардонандагӣ мекунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!