Ҳабси Назаровҳо барои қасос-қатли ду зани тоҷик
Додгоҳи шаҳри Санкт Петербург бародарон-Охунҷон ва Акмал Назаровҳо, шаҳрвандони Тоҷикистонро дар қатли ду ҷавонзани тоҷик гунаҳкор хонда, Охунҷонро ба 15 сол ва Акмалро ба 6 соли зиндон маҳкум кард.
Тибқи иттилоияи додситонии Русия дар мурофиаи додгоҳӣ муайян шуд, ки Назаровҳо Акмали 30-сола ва Охунҷони 22-сола 11 июли соли гузашта, барои латукӯби як хешашон тасмими қасос гирифтаанд: “Онҳо бевосита на ба латукӯбгарон, балки ба ду ҷавонзани тоҷик ҳамла кардаанд, ки шиносҳои латукӯбгарон будаанд”.
Ба иттилои додситонӣ Назаровҳо ба ду ҷавонзан, ки калонияш 34 сол доштааст, ҳамла карда, ба ҷангалзори Новоорловск бурдаанд: “Дар ҷангал Охунҷон Носиров ба сари занҳо халтаи полиэтиленӣ баста, роҳи нафаскашияшонро бастааст. Дар натиҷа ҳар ду зан дар ҷои ҳодиса ҷон додаанд”.
Ҷасади ҷавонзанони тоҷик, ки якеашон 34 сол доштааст, рӯзи 12-уми июли соли 2014 дар ҷангалзор пайдо шуда буд. Ташхис муайян карда буд, ки онҳо дар пайи буғӣ кушта шудаанд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |