27 ноя 2015 11:34Тоҷикистон / Иҷтимоӣ

Шаш соли зиндони ду ҷавони тоҷик барои тарафдорӣ аз ДИИШ

Додгоҳи ноҳияи Исмоили Сомонии шаҳри Душанбе ду ҷавони тоҷикро бо иттиҳоми пайвастан ба гуруҳи террористии “Давлати исломӣ” ва тарғиби ин гуруҳ 3 солӣ аз озодӣ маҳрум кардааст.

Аз додгоҳи мазкур имрӯз, 27 ноябр ба “Озодагон” гуфтанд, Маҳмадалӣ Файзуллоев, донишҷуи соли дуюми факултаи иқтисоди Донишгоҳи славянии Тоҷикистону Русия охирҳои моҳи апрели соли 2015 тавассути шабакаи иҷтимоии “odnoklassniki” дар бораи ташкилоти экстримистии “Давлати исломӣ” маълумот пайдо намуда, “бо мақсади бо роҳи зӯроварӣ тағйир додани сохти конститутсионии Тоҷикистон ба ин гуруҳ шомил шуда, тавассути телефони мобилии “SAMSUNG” аз шабакаи интернет навор ва расмҳои тарғибкунандаи “Давлати исломӣ”-ро дастрас намудааст”.

Манбаъ меафзояд, ӯ навор ва аксҳои мазкурро тариқи “Вайбер” ба шиносҳояш -- Наимова Ганҷинамо Бозоралиевна, Қосимов Бузаргмеҳр Абдусаломович, Шоназриев Низом Мақсадшоевич, Насриддинова Шукрона, Ҷамшед Боев ва дигарон фиристодааст.

Манбаъ мегӯяд, “Файзуллоев бо суроғаи электронии “ШеЙх МуХаМмАд 0007” бо Ҷамшед Боев дар суроғаи электронии “ИНШОЛЛОХ ДАР РОХИ ОЛЛОХ МЕРАМ” алоқа барқарор намуда, барои дар задухурдҳои мусаллаҳонаи Давлати Арабии Сурия рафта иштирок кардан, маслиҳат намудаанд”.

Сарчашмаи хабар афзуд, Боев бо маслиҳати пешакӣ бо Файзуллоев дар маҳаллаи автовокзали шаҳри Душанбе вохурда, тавассути шабакаи иҷтимоии “Зелло” бо суроғаи электронии Абу Суфҳян (ДҶИХАД), ки шахсияти истифодабарандааш ба тафтишот номаълум аст, суҳбат намуда, “барои Ҷамшед Боевро ба Давлати Арабии Сурия равон намудан, маслиҳат пурсидааст”.

Боев гуфтааст, омодааст, ки барои ҷиҳод намудан ба давлати Сурия биравад. Файзуллоев тавассути шабакаи “Зелло” бо “Taylung.87” шиносоӣ пайдо намуда, аз ӯ дар мавриди ба он кишвар рафтани Боев маслиҳат пурсидааст: “Номбурда дар ҷавоб қайд намудааст, ки айни замон муваққатан сарҳади давлати Туркия бо давлати Сурия баста мебошад ва дар вақти кушода шудани сарҳад номбурда метавонад чиптаи ҳавопайморо аз Душанбе ба Москва ва аз Москва ба Душанбе харидорӣ намуда, муддати таваққуфи худро дар шаҳри Москва 5 рӯз нишон диҳад. Вақте, ки шаҳрванди Ҷумҳурии Тоҷикистон ба Москва рафт, дар фурудгоҳ чунин қайд менамояд, ки ӯ мехоҳад шиносномаи худро иваз намояд, бо ҳамин сабаб ӯ сарҳади Федератсияи Россияро гузашта, ба Ҷумҳурии Тоҷикистон меравад. Дар муддати 5 шабонарӯз “Taylung.87” қайд намудааст, ки он шахсро вай шахсан дар шаҳри Москваи Федератсияи Россия пешвоз гирифта, сипас ба давлати Сурия интиқол медиҳад”.

Додгоҳи Исмоили Сомонӣ мегӯяд, Маҳмадалӣ Файзуллоев ва Ҷамшед Боев дар асоси моддаи 3073 қисми 2,-и Кодекси ҷиноӣ “ташкили иттиҳоди экстремистӣ (ифротгароӣ) муҷрим шинохта шуда, ҳар кадом се сол аз озодӣ маҳрум гардиданд. Ин муҳлатро дар коллонияҳои ислоҳии дорои низомаш умумӣ пушти сар мекунанд.

Мӯҳр

Хабарҳои монанд:

ЗАФАР КУРБОНОВ

МНОГОУНИЖАМЫЕ ВСЯКИЕ НЕ ЗАКОННЫЕ НЕПРИСТУПНЫЕ ГРУППИРОВКИ КАК ИГИЛ, И Т.Д. И ИХ СТОРОННИКОВ И АГИТАТОРОВ, ПРОШУ НЕ ПУДРИТЕ МОЗГИ, И НЕ ВСТУПАЙТЕ В КОНТАКТ С ЛЮДЬМИ, И НЕ ПРЕДЛАГАЙТЕ В ДРУЗЬЯ, НЕ ПИЩИТЕ, НЕ СОЛИТЕ ЖИЗНЬ ДРУГИХ, В ВАС НИКТО НЕ НАЙДЕТ НИЧЕГО ХОРОШЕГО, ТАК, ЧТО УХОДИТЕ КУДА ХОТИТЕ, МЫ НЕ С ВАМИ, МЫ НЕ УБЫВАЕМ, ГРАБИМ, И НЕ ИЗДЕВАЕМСЯ НАД ЛЮДЬМИ. ПРОСЬБА НЕ ОСТАВЛЯЙТЕ КОМЕНТЫ, КЛАССЫ, И НЕ ВЫСТАВЛЯЕТЕ ФОТКИ, ЯКОБЫ ВЫ СРАЖАЕТЕСЬ РАДИ БОГА, АЛЛАХА, И ДЕЛАЕТЕ ДЖИХАД. ЕДИНСТВЕННАЯ ПРАВДИВАЯ ДЖИХАД ЭТО ЗАБОТА О РОДИТЕЛЕЙ, СЕМЬИ, ДЕТЕЙ, КОТОРЫЙ ВЫ ОСТАВИЛИ НА ПРОИЗВОЛ СУДЬБЫ, ПОТОМУ ВАШЕ ДЕЯНИЕ НЕ ПО ИСЛАМУ, МЫ НЕ ПРИЗНАЕМ ВАС, И НЕ ПОДДЕРЖИМ!!!! ПРОШУ ВАС ЛЮДИ ЗАДУМАЙТЕСЬ, ОПОМНИТЕСЬ ПОКА ЕЩЕ НЕ ПОЗДНО, ДА БУДЕТ ВАМИ БОГ, МИР И ДОБРА!!!

Ҷавоб диҳед Иқтибос Шикоят

Муштари

Вакте, ки роххои алокаи онхо маълум шуд пас чаро амалиёте бо хамрохии Русия нагузарондед, то "Taylun.87"-ро дастгир намоед? Инашам ачиб менамояд! (((

Ҷавоб диҳед Иқтибос Шикоят

Эзоҳ илова кунед