Боздошти чор нафар бо иттиҳоми қаллобӣ дар Суғду Ҳисору Душанбе
Вазорати умури дохилии Тоҷикистон аз ошкор шудани чанд ҷиноятҳои қаллобӣ бо иштироки афроди сину соли мухталиф хабар медиҳад.
Дафтари матбуоти ин ниҳод мегӯяд, ба мақомоти пулис ҷавони 19-солаи сокини пойтахт муроҷиат намуда, гуфтааст, Абдулло ном шахс бо роҳи фиреб аз ӯ 133 ҳазор доллари амрикоӣ гирифта, барнагардонидааст: “Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия бо гумони содир намудани ҷинояти қаллобӣ марди 32-солаи сокини ноҳияи Зафаробод дастгир карда шуд”.
Манбаъ меафзояд, ҳамчунин кормандони мақомоти ҳифзи ҳуқуқ марди 27-солаи сокини шаҳри Хуҷандро дастгир кардаанд, ки моҳи августи соли равон бо роҳи фиреб ба боварии ду сокини ноҳияи Бобоҷон Ғафуров даромада, аз онҳо 100 ҳазор доллари амрикоӣ гирифта, барнагардонидааст: “Инчунин муайян карда шуд, ки марди 30-солаи сокини шаҳри Исфара моҳи августи соли 2013 бо роҳи фиреб ба боварии марди 42-солаи сокини ҳамин шаҳр даромада, аз ӯ 750 ҳазор доллари амрикоӣ гирифта, то ҳол барнагардонидааст”.
Ба иттилои ВУД, чанд сокини Душанбе ба мақомот муроҷиат карда, шикоят намудаанд, ки “Бахтиёр” ном шахс ба бовариашон даромада ба роҳи фиреб маблағҳои онҳоро гирифтаву бозпас надодааст: “Муайян карда шуд, ки ин қаллоб, марди 29-солаи сокини ноҳияи Ҳисор буда, дар давоми соли ҷорӣ аз соҳибкор, марди 38-солаи сокини шаҳри Душанбе ба маблағи 60 ҳазор доллари амрикоӣ ва аз марди 47-солаи сокини шаҳри Душанбе ба маблағи 200 ҳазор доллари амрикоӣ маҳсулоти сохтмонӣ гирифта ва аз як нафари дигари пойтахт 9 ҳазор доллари амрикоӣ гирифта, то ҳол маблағашро барнагардонидааст”.
Нисбати далелҳои мазкур парвандаҳои ҷиноятӣ оғоз гардида, тафтишот идома дорад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |