Русский  >>  فارسی  >>  Якшанбе 19 май 2019, 12:28

Ш.Ҳакимов: Робитаҳои авлодию маҳаллӣ доштани кадрҳо омили аз байн нарафтани корруписия аст

10 декабр 2015, 11:05

9 декабр ба унвони Рӯзи байналмилалии мубориза бо коррупсия шинохта шудааст. Бо таваҷҷуҳ ба ин “Озодагон” аз коршиносон пурсид: ТОҶИКИСТОН ДАР МУБОРИЗА БО КОРРУПИСЯ МУВАФФАҚ АСТ?


Шокирҷон ҲАКИМОВ, ҳуқуқшинос

Солҳои ахир воқеан мақомоти давлатии Тоҷикистон чанд санади байналмилалиро ҷиҳати мубориза бо коррупсия ба тасвиб расонд, қонунҳои махсусро қабул кард ва санадҳои дигари ҳукуқиро такмилу ислоҳ намуда, сохторҳои марбутаро низ таъсис додааст. Аммо то ҳол муносибатҳои коррупсионӣ на камтар, балки бештар ба назар мерасанд. Омилу сабабҳои мушаххас шароити мусоидро барои рушди муносибатҳои коррупсионӣ ба вуҷуд овардаанд. Ноустуворӣ ва номукаммалии қонунгузорӣ, риоя нагардидани усули таҷзияи ҳокимияти давлатӣ, аз ҳамдигар вобаста будани кадрҳои давлатӣ, ба хусус робитаҳои авлодию маҳаллӣ доштани онҳо, дар ҳамаи сатҳҳо эҳсос нашудани назорати ҳизбию ҷамъиятӣ, надоштани имконияти баробар ва рақобати солим миёни соҳибкорон ва ғайра омилҳои аз байн нарафтани корруписия ба ҳисоб мераванд.

Бобоҷони ШАФЕЪ, ҷомеашинос

Дар Тоҷикистон ниҳодҳо ҳамдигарро такрор мекунанд. Бубинед, Агентии мубориза бо фасод бештар касонеро боздошт мекунад, ки худашон бояд маъмури мубориза бо фасод бошанд. Вақте корманди милиса, Агентии назорати маводи нашъаовар, прокуратура, суд...бо ришва ба даст меафтанд, ин нишони фасодзадагии ҷомеа аст. Ҷомеа дар фасод ғутидааст. Агентии мубориза бо коррупсия назар ба солҳои пеш имсол хеле хубтар фаъолият кард. Вале чун гап сари ҷомеа аст, гуфтан мушкил аст, ки мубориза таъсири бештар дорад. Мубориза бунёдӣ бояд бошад. Ҳоло Тоҷикистон ба ин ҳад нарасидааст, ки ин падидаи манҳусро решакан созад. Хеле солҳо лозиманд ва агар шеваи мубориза чунин бошад, Тоҷикистон гумон аст муваффақ шавад.

Усмон СОЛЕҲ, сухангӯи Ҳизби халқӣ-демократии Тоҷикистон

Дар Тоҷикистон сол то сол мубориза бо фасод пурзӯр шуда истодааст. Имрӯзҳо хабарҳои зиёде мешунавем, ки дар ин ё он ноҳия барои даст задан ба амалҳои коррупсионӣ зиёд дастгир карда истодаанд. Умуман, дар ин самт беҳбудиҳо ба назар мерасад. Дар қонунҳо баъзан тағйиротҳое ворид шудаанд, ки масалан нафари дастгиршуда дар сурати баргардонидани маблағ, он қадар ҷазои сахт намегирад, шояд ин таъсир дошта бошад. Лекин дар маҷмӯъ фикр мекунам, ки дар ин самт натиҷаҳои хубу беҳтар ба даст оварда истодаем. Дар мубориза бо коррупсия бояд тамоми қишри ҷомеа, ақалан ҳамон ниҳодҳои бевосита ба ин масъала дахлдор фаъолияташонро беҳтару хубтар кунанд. Нафароне, ки пора медиҳанд, онҳо низ бояд ба муҷозот кашида шаванд.

Абдуҳаллим ҒАФФОРОВ, раҳбари Ҳизби сотсиалистӣ ва вакили парлумони Тоҷикистон

Мутаассифона, вазъи имрӯзаи мубориза бо коррупсия дар Тоҷикистон маро қонеъ карда наметавонад. Барои чи? Барои он ки баъзе риштаҳои ба ҳам пайванде ҳастанд, ки он риштаҳоро шикастан кори одиву осон нест. Ман боварӣ дорам, ки Ҳукумати Тоҷикистон ва намояндагони мардум, ки дар интихоботҳои парлумонӣ интихоб мешаванд, ин масъалаи бисёр ҳассосу нозукро мавриди баррасӣ қарор дода, аллайҳи он мубориза мебаранд. Парлумони кишвар, аз ҷумла аҳзоби сиёсӣ масъалаи мубориза бар зидди коррупсияро аз масъалаҳои аввалиндараҷа ҳисобида, ҳамеша фикру андешаҳои худро муайян мекунанд. Коррупсия ин як масъалае аст, ки хусусиятҳои ба худ хоси иҷтимоӣ дорад ва онро танҳо ҳамон вақт нест кардан ҷоиз аст, ки агар ба муқобили он аз нуқтаи назари иҷтимоӣ мубориза бисёр ҷиддӣ бурда шавад. Яъне нафаре, ки даст ба ришва мезанад, ба ҷазое бояд гирифтор шавад, ки барои дигарон мактаби бузурги маънавӣ гардад, дарк кунад, ки ҳаққи ҳалоли як касро хурдану манфиатҳои давлатро ба манфиатҳои шахсии худ истифода бурдан кори одӣ нест.

Раҷаби МИРЗО, журналисти мустақил

Мубориза бо фасод осон нест, балки он мубориза бо худро мемонад. Барои бо худ мубориза бурдан иродаи қавӣ лозим! Ба назари ман, вақте сухан сари коррупсия меравад, ҳарфҳои як коршинос мерасад, ки гуфта буд "дар шароити кишварҳои ғайридемократї мубориза бо фасод аз як кас вобаста мешавад". Иродаи ин нафар танҳо ҳамон замоне ошкор мешавад, ки агар дар мубориза бо коррупсия ҷиноят на интихобӣ, балки воқеї сурат гирад. Ба таври дигар, агар донанд, ки фасод системавиву амали муқаррарӣ шудаасту аммо ин ё он нафарро танҳо барои он муҷозот мекунанд, ки кадом амалаш писанд наомад, инро ҳамчун иқдоми зиддикоррупсионӣ қабул нахоҳанд кард.

Темур ҶОВИДОВ, истиқоматкунандаи шаҳри Душанбе

Ба фикрам дар ягон давлат коррупсия ҳеҷ вақт пурра аз байн нарафтаасту намеравад, лекин кам шуданаш имкон дорад. Кишваре нест, ки дар он нафароне даст ба ришва назананд. Аз рӯи мушоҳидаҳои ман дар Тоҷикистон имрӯзҳо масъалаи мубориза ба коррупсия беҳтар шудааст. Агар ҳамин хел рафтан гирад мумкин дар солҳои наздик масъалаи рӯ овардан ба амалҳои коррупсионӣ кам шавад. Баланд бардоштан музди маоши шаҳрвандон ҳам метавонад ба коҳиш ёфтани амалҳои коррупсионӣ муосидат кунад.


Шарҳи худро бинависед:

Ном:*
E-Mail:
Матни шарҳ:
Посух додан
  • Ситора

  • 10 декабр 2015 11:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бояд Хукумати Точикистон Махалчигиро бас бикунад Мабодо ба ягон корхона ё Фабрика ё Макомоти Кудрати барои чои кор мурочиат мекуни Аввал мепурсанат аз кучои
Посух додан
  • Санавбар

  • 10 декабр 2015 11:58
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
То махалчиги аз байн наравад Чумхурии Точикистон хеч гох пеш намеравад Нест бод Махалчиги
Посух додан
  • Мадина

  • 11 декабр 2015 04:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рост мегуи апаи Ситора Ман ДТТ бо дипломи Сурх хатм кардам Ба як корхонаи давлати рафтам барои чои кор авал Раисаш пурсид аз кучои бад пурсид шавхар дори гуфтам шавхар дорам гуфт чои кор нест Бад аз як рафикам фахмидам агар шавхар намедоштам Раис маро бо кор таьмин мекард ва маро машукаи худаш мекардааст Дуюм маротиба ба назди раис омадам ва гуфтам шавхар надорам маро бо кор таьмин кард ва мачбур дорад ки машукаи у шавам додамро ба ки гуям намедонам Раис тахминан 55 ё 58 сола ман бошам 22 сола чи кор кунам намедонам илтимос чоп кунед
Посух додан
  • Давлат

  • 11 декабр 2015 07:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хохари мехрубон Мадина ин хел Раисон Чомеаро вайрон карда истодаанд Аз Муллохо халос шидем лекин аз ин Бадбахтон халос шидан амри махол аст Ба Раис бифахмон ки шумохам мисли ман фарзанд доред фарзанди шуморо хаминхел кунанд шумо чикор мекунед Бояд Раиси хонасухта бифахмад Агар ба шарте нафахмад чои коратро тарк бикун ризкро Худованд худаш медихад Барои чи Корупция ба инхел Раисхо кор надорад
Посух додан
  • Фируз

  • 11 декабр 2015 09:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шавхар ки дошта боши дар хона шиштан гир чи таги пои раисон мегарди
Посух додан
  • Хилол

  • 12 декабр 2015 17:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
умуман раисон е дигар мансабдороне, ки сину солашон ба гамака расидааст бояд рохбарияти он муссиса чорачуи намояд.
Посух додан
  • Саид

  • 13 декабр 2015 21:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ситора,
Маъзарат мехохам, хеле бачо кайд кардед, бале мепусанд аз махал ва намегуянд ки аз кучои, балки мегуянд - ай чо мешай
Посух додан
  • Мусофир

  • 24 декабр 2015 21:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба Ситора Хоҳари азиз камтар хато кардед,узр аммо чунин мепурсандат а бача ай чои?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Як вакто ай ко мешай мегуфтан лекин уно каме серу пур ва мардума кам гам медодану кам махалчиги мекардан ва маданияти хуб доштан бад дахон набудан. И чо чохо ай чо мешай мегуфтагихо хеч сери надоранду болои ин нихоят бадгуфторанд марду зан. Дар Душанбе хамаи суханхои даномдор аз чо омад, аз тарафи онхо.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!