Ҳукумати электронӣ дар Тоҷикистон

«Ҳамкории агентии  назорати молиявӣ ва мубориза бо коррупсия ва ҷомеаи шаҳрвандӣ: дастовард ва имкониятҳо».

Таҳти чунин унвон дар маркази тадқиқоти стратегӣ нишасти вижаи масъулин  баргузор гардид.

Ба ҷузъ намояндагони агентии мубориза бо фасод, прокуратураи генералӣ, вазорати корҳои дохилаву дигар ниҳодҳои давлатӣ, ташкилотҳои ҷамъиятӣ, намояндагони ВАО  ва ташкилотҳои байналмилалии машғул ба масоили барҳамдиҳии фасод низ дар ин мулоқот  иштирок доштанд. Зимнан, дар ин  мизи мудаввар лоиҳаи меморандуми ҳамкориро дар самти мубориза бо коррупсия омода карданд, ки дар назар аст, баъди баррасии иловагӣ қабул гардад. Дар мулоқот зарурияти баланд бардоштани сатҳи маърифати ҳуқуқии шаҳрвандон, суръат додани ташкили ҳукумати электронӣ дар Тоҷикистон махсус таъкид гардид.

Ин мулоқот аз тарафи ташкилоти «Кӯҳи  Нор» бо дастгирии молиявии дафтари душанбегии ҳамкории Швейтсария сурат пазируфт.  Мӯҳр