120 сомонӣ ҷаримаи Мастура барои “кондукторӣ”-и фарзанди ноболиғаш
Додгоҳи ноҳияи Исмоили Сомонӣ занеро, ки фарзанди ноболиғаш дар мусофиркаш ба ҳайси “кондуктор” фаъолият доштааст, ба пардохти 120 сомонӣ ҷарима муваззаф сохтааст.
Тавре аз ин ниҳод хабар доданд, Мастура Очилдиева “уҳдадорияшро дар тарбияи фарзанд ба таври дахлдор иҷро накардааст”. Ба иттилои манбаъ, писари ӯ -- Фазлиддин Очилдиев аз соли 2009 ба ин сӯ ба таълим фаро гирифта нашуда, дар хатсайри №22 ба фаъолияти маблағғундорӣ “кондукторӣ” машғул шудааст. Додгоҳи ноҳияи Исмоили Сомонӣ мегӯяд, “Мастура Очилдиева худро гунаҳгор шуморида баёнот дод, ки аз сабаби танқисии рӯзгор аз соли 2009-ум то инҷониб ба таълим фаро гирифтани фарзандаш Фазлиддин Очилдиевро таъмин накардааст. Фарзандаш Фазлиддин қаблан дар мактаби таҳсилоти миёнаи умумии №7 шаҳри Душанбе таҳсил мекардааст. Шавҳараш бекор дар хона бемор мебошад”.
Додгоҳ Мастура Очилдиеваро бар пояи моддаи 90-и Кодекси ҳуқуқвайронкунии маъмурии кишвар гунаҳгор дониста, ӯро дар ҳаҷми 120 сомонӣ ҷарима бастааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |