Таблиғоти мамнӯи шоҳидони яҳво бо забони шуғнӣ
Ҷамъияти Шоҳидони Яҳво, ки фаъолияти он дар Тоҷикистон мамнӯъ эълон шудааст, таблиғоти худро ба забони шуғнӣ ба роҳ мондааст.
Мубаллиғони шоҳидони яҳво варақаҳо бо забони шуғниро дар Душанбе паҳн карда, таблиғот бо ин забонро дар сомонаи ҷаҳонияшон ба роҳ мондаанд.
Як сокини ноҳияи Шуғнон, ки варақаи таблиғотиро дар маҳаллаи Гулистони Душанбе дарёфт кардаасту дар ихтиёри “Озодагон” гузошт, изҳор дошт, ки мубаллиғ пеш аз додани брошура аз ӯ суол кардааст, ки аз Бадахшон аст ё хайр.
Дар баробари ин дар сомонаи ҷаҳонии Шоҳидони Яҳво 10 адад маводи таблиғӣ ба забони шуғнӣ гузошта шудааст.
Ин дар ҳолест, ки то ҳол Шоҳидони Яҳво таблиғоташонро дар Тоҷикистон танҳо бо забонҳои тоҷикӣ ва русӣ пеш мебурданд.
Фаъолияти ин созмони масеҳӣ соли 2007 аз сӯи Вазорати фарҳанги Тоҷикистон, ки он замон назорат аз болои муассисаҳои диниро бар уҳда дошт, мамнӯъ шуд. Мақомот он вақт гуфтанд, ин созмони масеҳӣ таблиғоти ғайриқонунӣ карда, ҳамзамон аз сокинон хостааст, аз фиристодани писаронашон ба артиш худдорӣ кунанд. Аммо, ин созмони динмеҳвар соли 2013 дар остонаи ҷаласаи 108-уми Кумитаи ҳуқуқи башари Созмони Милал аз мақомоти Тоҷикистон дархост кард, ки созмони онҳоро дубора сабтином ва фаъолияташонро қонунӣ кунад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |