Русский  >>  فارسی  >>  Сешанбе 21 август 2018, 18:26

Боздошти масеҳӣ бо иттиҳоми иртибот бо “Давлати исломӣ”

30 декабр 2015, 11:51

Арамаис Авакян, як кишоварз аз вилояти Ҷиззахи Узбакистон аз рӯзи 4 сентябр ба ин сӯ дар боздоштгоҳ қарор дорад. Ӯ бо гумони робита бо гуруҳи террористии “Давлати исломӣ” дастгир шудааст.

Бино ба иттилои расонаҳо, 4 дӯсти Авакян ҳам дар мухолифат ба сохти конститутсионӣ, созмон додан ва роҳбарии гуруҳи тундгарои динӣ, ҷудоихоҳӣ айбдор мешаванд. Алайҳи Авакян ҳамчунин бо моддаи “Дуздӣ” айб эълон шудааст.

Наздикони ин деҳқони 33-сола гуфтаанд, ӯ пайрави дини масеҳӣ буда, бо мусалмонону “Давлати исломӣ” ҳеч робитае надорад. Онҳо аз эҳтимол дур намедонанд, ки мумкин аст, вай зери шиканҷа фавтида бошад. Намояндагони мақомот мегӯянд, Авакян зинда аст, аммо “аз миз афтидаву маъюб гаштааст”.

Ба бовари ҳамсари Авакян, ихтилофи деҳқон бо мақомоти маҳаллӣ бар сари фермаи моҳипарвариаш дар ноҳияи Пахтакори вилояти Ҷиззах рӯ задааст. Ҳамаи боздоштшудаҳо дар хоҷагии мазкур кор мекарданд.

Далели асосии гуноҳи Авакян ва боздоштшудаҳои дигарро тафтишот паёмаке меномад, ки гӯё ин афрод ба ҷиҳод мерафтаанд. Аммо ин паёмак ё СМС баъди боздошти деҳқонон фиристода шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Боваркунед ин як тухмати кудакона не балки ахмакона аст.
Инсони боакл оё хамин суханхои дар боло зикргардидаро кабулмекунад?
Дар давлати Исломи масехиёнро сармебуранд! Дигар ин, ки Чиход моли мусалмонхо аст Масехиро ба Чиход чи кор аст?! Дигар айбнома наёфтиян, ки ба души Масехи боркунанд? Бечора Масехиро хамон хавзи мохипарвариаш дар кадом макомдоре махкулшудааст..

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!