15 янв 2016 12:27Тоҷикистон / Иқтисодӣ

Раиси Кумита: Барои телевизионҳои “Варзиш”-у “Синамо” аз буҷа пул нагирифтем

Маҳмадсаид Пирзода, раиси Кумитаи телевизион ва радиои Тоҷикистон мегӯяд, барои телевизионҳои “Варзиш” ва “Синамо” аз буҷаи давлат пул нагирифтаанд.

Ҷаноби Пирзода имрӯз, 15 январ дар нишасти хабарии созмонёфтае дар Душанбе дар посух ба суоли “дар шароити буҳрони молӣ таъсиси ду шабака то куҷо ба манфиати кор аст?”, гуфт, ин ду шабакаи телевизионӣ аз ҳисоби шӯъбаи тиҷоратии кумита фаъол мешаванд. “Аз буҷаи давлат маблағ нагирифтаем, мо аз ҳисоби шӯъбаи тиҷорат телевизиони “Варзиш” ва “Синамо”-ро бунёд кардем. Ман инро бузургтарин дастовард медонам дар даврони Истиқлол, ки барои мову шумо беш аз 200 ҷои корӣ пайдо шуд”,-илова намуд ӯ.

Раиси Кумитаи телевизион ва радио мегӯяд, мушкилоти ҷавонон дар ҷомеа ба проблемаи рақами як табдил ёфтааст ва онҳо мақсад доранд, тавассути ТВ “Варзиш” аз тарзи ҳаёти солим ба ҷомеа барнома пешкаш намоянд. Оқои Пирзода дар мавриди ҳадафи ташкили телевизиони “Синамо” гуфт: “Бубинед, як вақте буд, ки мардум ҳама ба филмҳои турки рӯ оварда буданд. Дар нишасти шашмоҳаи гузашта ҳамин савол ҳам буд, ки чаро мардум ба филмҳои турки рӯ овардаанд? Ба ҳамин хотир мо хостем, ки барои баланд бардоштани ҳуввияти миллӣ, барои як бори дигар ба таърихи худ назар кардан, филмҳои тоҷикиро дар телевизиони “Синамо” руйи навор биёрем”.

Мӯҳр

Хабарҳои монанд:

Сафиюлло

Холо ин тв-хои нав руи навор омаданд ё на? Агар ха чаро то хол нишоне аз онхоро намебинем?

Ҷавоб диҳед Иқтибос Шикоят

салом

Суол аз рузи Истиклолияти Точикистон ва пеш аз он чи кадар кино сабт кардаед ва шумораашон чи кадар аст? ва онро чи кадар вакт мемонед? ман фикр мекунам ки хамаи он кинохое Точики аз тарики дигар шабакахо руи пахш будаанд, Аз дигар Синамои давлатхо истифода кунед боз хуб мешавад,

Ҷавоб диҳед Иқтибос Шикоят

Эзоҳ илова кунед