Русский  >>  فارسی  >>  Сешанбе 25 июл 2017, 01:44

Академия пешгӯии заминҷунбӣ аз рӯи хоби Кароматро ғайриилмӣ хонд

15 январ 2016, 14:02

Фарҳод Раҳимӣ, президенти Академияи илмҳои Тоҷикистон иддаои Кароматуллоҳи Аҳмад, журналисти собиқадори тоҷикро, ки як сокини Душанбе бар асоси хобаш метавонад, заминларзаҳоро пешгӯӣ кунад, бепоя хонд.

Каромамтуллоҳи Аҳмад, имрӯз, 15 январ дар суҳбат бо “Озодагон” изҳор дошт, ки як сокини шаҳри Душанбе бо номи Каромат Исматов ба ҳафтаномаи “Чархи гардун” мактуб фиристода, гуфтааст, ки ҷунбидани заминро дар хобаш мебинад. Журналисти собиқадори тоҷик ба унвонии Академияи илмҳо мактуб навишта, ин суоли Каромат Исматовро ба миён гузошта, шарҳи истеъдоди фавқулодаи ӯро хостааст.

Президенти Академияи улуми Тоҷикистон рӯзи 14 январ ба ин журналист тоҷик, ки аз тақдири пешниҳодҳояш суол кард, посух дод, ки ин иддао асоси илмӣ надоранд: “Ба далели ин ки пешниҳоди шумо хаёлӣ буд ва ҳеч гуна асоси илмӣ надошт, олимони Академияи илмҳо зарурате ба ҳамкорӣ ва посухро надиданд”.

Ҳамчунин академик Собит Неъматуллоев, яке аз донишмандони варзидаи ҷаҳон дар соҳаи зилзилашиносӣ изҳор дошт, ки то кунун баъзе дастовардҳои илмӣ барои пешгӯйӣ кардани заминларза ҳосил шудааст, вале бар асоси хоб пешгӯйӣ кардани заминларза як даъвои бепоя ва ғайриилмист. Ба гуфтаи Собит Неъматуллоев ҳоло се усули асосии пешгӯйии заминларза -ларзанигорӣ (сейсмика), атмосфера ва аносфера вуҷуд дорад ва илм ба ҷуз ин усулҳо шеваи дигареро намедонад.

Вале Кароматуллоҳи Аҳмад мегӯяд, ки Академияи илмҳо натавонистааст, ки ба пешниҳоди ӯ посухи қонеъкунанда бидиҳад.


Дар акс: Кароматуллоҳи Аҳмад


Шарҳи худро бинависед:

Ном:*
E-Mail:
Матни шарҳ:
Посух додан
  • 2

  • 15 январ 2016 14:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
...Наход Озодагон низ мисли у бошад? ИН чи хабар аст?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин кароматуллохи Ахмадро дар сурати аввал бояд аз узвияти ИЖТ ронд. То обруи мо нарезад!!! У журналсит набуд, корманди техники буд вале чун дар майдон гург намонд, у чупон шуд...
Посух додан
  • Кадушох

  • 15 январ 2016 20:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хайфи хамон ноне ки муасисатон ба шумо медихад, ин хабрагузориро ба як бозича ва пахш кардани хабархои беасос бадал кардаед, шарм доред, мухариру хабрнигору дигару дигаратон ))
Посух додан
  • Сокини Душанбе

  • 15 январ 2016 20:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шарм доред, озодагон наход рузноманигор то ин дарача хафтафахм бошад? охир у дар бораи хоби худ нагуфтааст,дар бораи хоби кадом як сокине ки ба у мурочиат кардааст гуфтааст

Матолиби ҳамсон:

Бойгонӣ

«    Июл 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!