03 фев 2016 12:46Тоҷикистон / Дидгоҳи хос

Посухи Қ.Қосим: Кӣ амволи давлатро ба Кабирию Назарзода ғайриқонунӣ фурӯхт?

Қодири Қосим, раиси Кумитаи сармоягузорӣ ва идораи амволи давлатии Тоҷикистон, ки масъули идора ва хусусигардонии амволи давлатӣ дар кишвар мебошад, имрӯз, 3 феврал зимни нишасти матбуотӣ дар Душанбе изҳор дошт, ки дар мавриди амволи ғайриқонунӣ хусусикардаи Назарзода ва Кабирӣ феълан тафтишот идома дорад ва "мо ахболи иловагӣ надорем".

Қодири Қосим афзуд, ки баъди ба моликияти давлат ворид намудани амволи ғайриқонунии ин афрод, масъулини Кумита барои истифодабарии минбаъдаи он чораандешӣ хоҳанд кард.

Оҷонсии зидди фасоди Тоҷикистон рӯзи 2 феврал иттилоъ дод, ки Муҳиддин Кабирӣ, раиси Ҳизби мамнӯи наҳзати исломӣ ва Абдуҳалим Назарзода, собиқ ноиби вазири мудофиаи кишвар даҳҳо амволи давлатиро ғайриқонунӣ хусусӣ кардаанд.

Тибқи иттилои Оҷонсии зидди фасод дар 12 биною иншооти хусусигардонидаи Абдуҳалим Назарзода ва наздикони ӯ санҷиши дурустию асоснокии хусусигардонии амволи давлатӣ гузаронида шуда истодааст: “Танҳо дар 8 иншоот муайян гардид, ки ҳангоми хусусигардонии амволи давлатӣ ва ҷалби қарзҳои бонкӣ бо роҳи сохтакорӣ ба давлат 5,3 миллион сомонӣ зарари молиявӣ расонида шудааст”.

Дар мавриди амволи Муҳиддин Кабирӣ масъулини Оҷонсӣ изҳор доштанд, ки гуруҳи фаврӣ - тафтишотӣ 42 биноҳои маъмурию манзилҳои истиқоматӣ ва 70 номгӯи молу амволи дигари ӯ ва наздиконашро ошкор гардидааст. Оҷонсӣ мегӯяд, Кабирӣ низ даҳҳо амволро ғайриқонунӣ аз худ кардааст.
Аммо дар мавриди он, ки кадоме аз масъулини давлатӣ дар хусусигардониҳои ғайриқонунӣ даст доранд, иттилое ироа нагардид.

Мӯҳр

Хабарҳои монанд:

Конун дар Точикистон бозича шудааст. Чи хеле ки хукуматдорон хоханд хамон хел тобаш медиханд. Айб аст ин гуна давлатдории асримиенаги.

Ҷавоб диҳед Иқтибос Шикоят

хакталош

кадоме аз масъулини давлатӣ дар хусусигардониҳои ғайриқонунӣ даст доранд, номбар ва ба чавобгари кашида шаванд, то ба дигарон панд шавад.

Ҷавоб диҳед Иқтибос Шикоят

рухшона

охир ин раиси мухтарами кумита саломатиаш хуб нест, чаро гам метиедша?

Ҷавоб диҳед Иқтибос Шикоят

Сохибкор аз хисор

Зарар ба бонк! охир бонкдорон худашон сохибкор Азизов Окилро ба бонки Агробанки Вахдат даьват кардан фармон аз боло гуфтан маблаги калон ба суратхисоби онхо гузарондан зимистон хунук омад сохибкор зарар дид гармхонаи Вахдатро гирифтан 4 сол пеш фоизхои пулро гирифтан имруз корупсия санчида баромадан боз бечора сохибкоро гунахгор карда ба махкама кашиданиян. Точикистон аз маниии!

Ҷавоб диҳед Иқтибос Шикоят

Душанбенец.

Мухтарам Раиси Кумита! Мардумро нодон ва беакл хисоб накунед. Хамаи амволи давлатро гайри конуни ба пулдорон фурухтаед. Мисол тамоми иншооту базахои ЧСК "Промстрой"-ро бо 100 000 долар фурухтед, ки ин гуё бе пул мебошад

Ҷавоб диҳед Иқтибос Шикоят

Давлатби

Имруз баъди душмани миллат баён кардани давлат молу амволи Кабириву Назарзода ва ..... баррасси мекунед, вале онхое, ки имруз рохбарони идорахоро дар даст доранд, молу амволашонро ки баррасси мекунад. Бояд хар яки онхо аввал "пояшонро аз андозаи курпа дарозтар кунанд" баъд ба баррасси мепардозанд. Вой бар ахволи мардуми бечора, ба ки бовар бикунад???????

Ҷавоб диҳед Иқтибос Шикоят

Эзоҳ илова кунед