Русский  >>  فارسی  >>  Панҷшанбе 20 июн 2019, 22:24

Путину Назарбоев аз сардии муносиботи Туркияву Русия гуфтаанд

10 феврал 2016, 14:00

Владимир Путин ва Нурсултон Назарбоев, раисони ҷумҳури Русияву Қазоқистон бо ҳам телефонӣ гуфтугӯ кардаанд.

Дафтари матбуоти раиси ҷумҳури Қазоқистон гуфтааст, ин гуфтугӯ 8 феврал анҷом шуда, ҷонибҳо бештар ба иҷрои тавофуқоти Минск роҷеъ ба қатъи ҷанг дар шарқи Украина ва ба сардӣ гароидани муносиботи Туркияву Русия таваҷҷуҳ кардаанд. Путин гуфтааст, муносиботи миёни Маскав ва Анкара ба гуноҳи ҷониби Туркия сард шудааст, бинобар ин бояд Туркия нахуст барои беҳбудии муносибот талош кунад.

Гуфтугӯи телефонии Назарбоев ва Путин баъд аз ду рӯзи боздиди Аҳмад Довудуғлу-нахуствазири Туркия аз Остонаи Қазоқистон ва мулоқоташ бо Назарбоев анҷом гирифтааст.

24 ноябри соли гузашта Туркия як ҳавопаймои низомии Русияро дар марзи миёни Сурияву Туркия сарнагун кард. Баъд аз ин ҳодиса равобити Маскаву Анкара сард шуд. Қазоқистон бо ҳар дуи ин кишварҳо муносибот ва ҳамкориҳои наздик дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!