19 фев 2016 17:38Тоҷикистон / Сиёсат / Рӯ ба рӯ / Тема дня

Дидбонгоҳҳои нав дар марз бо Афғонистон ва таъкиди Ятимов: Хизмати ҳарбӣ мактаби ҳаёт аст

Дар пайи таъкиди Эмомалӣ Раҳмон, раисиҷумҳури Тоҷикистон барои таҳкими ҳифзи сарҳад бо Афғонистон дар минтақаи отряди сарҳадии “Панҷ” дидбонгоҳҳои нав ташкил ва мавриди истифода қарор дода шуданд.

Тибқи иттилоияи расмӣ, ки имрӯз, 19 феврал нашр гардид, дидбонгоҳҳои нав бо таҷҳизоти замонавӣ муҷаҳҳаз мебошанд.

Саймуъмин Ятимов, сардори Кумитаи давлатии амнияти миллии Тоҷикистон, ки ҳамроҳ бо Раҷабалӣ Раҳмоналӣ, фармондеҳи қушунҳои сарҳадӣ, дар маросими ифтитоҳи дидбонгоҳҳои нав иштирок кардааст, дар хитоб ба хизматчиёни ҳарбӣ таъкид намудааст: “Хизмати ҳарбӣ барои ҳар як ҷавон мактаби ҳаёт мебошад, чунки ин давра ба онҳо сабақи ватандӯстиву ҷавонмардӣ ва обутоби ҷисмонӣ медиҳад. Вазифаи аввалиндараҷаи ҳар як хизматчии ҳарбӣ ин садоқат ба савганди ҳарбӣ мебошад”.

Яке аз дидбонгоҳҳои навътасис ба номи генерал-майор Рустам Амакиев, собиқ фармондеҳи “Алфа” гузошта шуд, ки моҳи сентябри соли 2015 дар амалиёти алайҳи гуруҳи Ҳоҷӣ Ҳалим дар дараи Ромит кушта шуд.

Мӯҳр

Хабарҳои монанд:

Чанг Чун Ли

Хизмати ҳарбӣ мактаби ҳаёт буд, мутаассифона бадном кардед!

Ҷавоб диҳед Иқтибос Шикоят

шайх каноди

aкаи саймумин чавононе ки хизмат нокарда рутбахои баланд доранд мактаби хаету садокат ба ватанро ногузашта одамони зур шудаанд ку?

Ҷавоб диҳед Иқтибос Шикоят

Ваколатдор

Хизматчиени харби хамчун гулом дар хизмати командиронанд хастанд.сад хайф ки 2 сол умрашон мегузарад. Бехтараш ба падари сарсафедашон мадад мекарданд бехтар буД .

Ҷавоб диҳед Иқтибос Шикоят

Лалслс

ФАКАТ КАМБАГАЛ БОЯД ВАТАНДУСТ ШАВАД ????
ФАРЗАНДОНИ САДОР ЧАРО ВАТАНДУСТ НАМЕШАВАНД????

Ҷавоб диҳед Иқтибос Шикоят

Султонби

Агар мисли Шумо ватандуст мешуда бошад, бехтар ин ки нашавад.

Ҷавоб диҳед Иқтибос Шикоят

Ватандуст

Дар мо на бачаи камбагал ватандуст хаст ва на бачаи бой .

Ҷавоб диҳед Иқтибос Шикоят

Эзоҳ илова кунед