24 фев 2016 10:46Тоҷикистон / Фарҳангу адаб / Тема дня

Созандагони “Паймон” мелодраммаи “12 соли интизорӣ”-ро намоиш медиҳанд (ВИДЕО)

Филмбардорони ҷавони тоҷик дар асоси ҳодисаҳои воқеӣ мелодраммаеро таҳия кардаанд, ки ояндаи наздик рӯи экранҳо мебарояд.

Ин филм “12 соли интизорӣ” ном дошта, онро созандагони филми “Паймон” аз рӯи сенарияи Бахтиёр Каримов ба навор бардоштаанд. Осими Орифпур, директори филми мазкур ба хабаргузории “Озодагон” гуфт, “12 соли интизорӣ” дар маркази маъмурии вилояти Суғд - шаҳри Хуҷанд дар асоси ҳодисаҳои воқеӣ таҳия шудааст: “Филм бештар дар бораи азҳампошии оилаҳо, хиёнат, муҳоҷират ва ҳаёти пурпечутоби зиндагӣ қисса мекунад”

“12 соли интизорӣ”-ро Муҳиддин Ҷӯраев коргардонӣ карда, Таҳмина Раҷабова, Муҳммадалӣ Маҳмадов, Моҳпайкар Ёрова, Хуршед Мустафоев, Муҳаммадҷон Шодиев, Насриддин Асадуллоев нақшҳои асосиро иҷро кардаанд.

Ҷаноби Орифпур мегӯяд, қабл аз таҳияи филм тақрибан бо 40 хонаводае, ки аз ҳам пошидаанд, суҳбат кардаанд. “Филм дар бораи яке аз ин занҳо нақл мекунад, ки матинирода асту ҳамаи мушкилиҳоро паси сар карда, ба мақсади ниҳоии хеш мерасад. Ҳаёти афроди дигаре, ки бо онҳо суҳбат кардем низ дар филм инъикос ёфтааст”,-афзуд директори филм.

Нахустнамоиши ин филм моҳи марти соли равон дар кинотеатрҳои ҷумҳурӣ баргузор мешавад.

Мӯҳр

Хабарҳои монанд:

Мухлис

Хамин духтар зебо аст аммо барои филмхо ва бахусус дар накшо хунар надорад.Харакату часпиданхош ба кино нест. А бача миллати мо барои он дар синамо пеш намеравад ки хунарпешахои асилу мактабдидарофаромуш карда аз дунбьоли ин хел аз мактабхои актёридур мераванд бахусус натокони ба кавле ситорахо. Монед равад ин зхандахоша кунад охир бо Талабшох.Хандахои хушру дорад.

Ҷавоб диҳед Иқтибос Шикоят

Мухлис ба Мухлис

Барои Точикистони навраси мо ин пешрави аст. Агар сохибмаълумоти сохаи кино, яъне дастпарварони Донишгохи Санъат хомушу бетараф бошанд, пас бояд нафаре кадами авалро монад. Хамин Тахмина худаш зебо аст, дар кинохои чанд сол пештар сабт шуда хатогиаш бештар бошад хам, вале руз аз руз бехбуди дар соха ва дар накшофари дида мешаад. Хулоса, ки танкид хуб аст, вале на хамеша он хадафманд аст. Аз ин ру кушиш бояд кард, то дастгири ёбанд.

Ҷавоб диҳед Иқтибос Шикоят

Эзоҳ илова кунед