Рашки “бомж”-и судшуда бо сӯиқасд ба ҷони рақиб анҷомид
Вазорати умури дохилии Тоҷикистон аз боздошти марди 38-сола бо иттиҳоми сӯиқасд ба ҷони маъшуқи ҳамзисташ хабар додааст.
Ба иттилои манбаъ боздоштшуда, ки ҷои доимии зист надораду қаблан барои дуздӣ суд шудааст, дар сӯиқасд ба ҷони марди 47-сола дар шаҳраки Нови ноҳияи Спитамен муттаҳам мешавад: “Муайян карда шуд, ки боздоштшуда тахминан соати 18:00-и 22 феврал дар хонаи истиқоматии муваққатӣ дар шаҳраки Нов, ҳамзисти 36-солаашро бо марди дигар, сокини 47-солаи ноҳияи Спитамен дида, бо корд ба ӯ ҳамла кардаст”.
Мақомоти милиса мегӯянд, муттаҳам бо корд якчанд бор ба аъзои бадани марди 47-сола зада, аз ҷойи ҳодиса ғайб задааст: “Дар натиҷа ҷабрдида ҷароҳати ҷисмонӣ бардошта, дар беморхона бистарӣ гаштааст”.
Манбаъ афзуд, ҳамзисти ин марди боздоштшуда, қаблан бо моддаи 239-и Кодекси ҷиноӣ - нигаҳдошти фоҳишахонаҳою даллагӣ суд шудааст: “Феълан алайҳи марди 38-сола бо иттиҳоми сӯиқасд ба куштор парвандаи ҷиноӣ оғоз гардида, тафтишот идома дорад”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |