03 мар 2016 11:56Тоҷикистон / Фарҳангу адаб / Акс / Видео / Тема дня

Суғд: Ҷасаде, ки аз кӯза ёфт шуд, ба давраи зардуштӣ тааллуқ дорад (АКС+ВИДЕО)

Масъулини Осорхонаи таърихии вилояти Суғд мегӯянд, ҷасаде, ки ҳамроҳ бо кӯза дар ноҳияи Истаравшан пайдо шуд, ба қарни қарни V-VIII милодӣ тааллуқ доштааст.

Икром Турсунов, мудири шӯъбаи Осорхонаи таърихии вилояти Суғд, имрӯз 3 март ба хабаргузории “Озодагон” гуфт, "мо онро қисман барқарор кардем. Баландиаш тахминан 1 метру 10 см буда, паҳноии он 74 сантиметрро ташкил медиҳад ва он ба давраи то Исломӣ ва Зардуштӣ муталлиқ аст”.

Ҷаноби Турсунов мегӯяд, докторҳои илмҳои таърих, профессор Набиҷон Раҳимов маълум кард, ки он ба қарни қарни V-VIII милодӣ мутаалиқ аст.

Ин ҷасад ва кӯзаро Рауф Мазбутов, сокини рустои Сандағундаки шаҳри Истаравшан 12 ноябри соли 2015 ҳангоми шудгор кардани замин пайдо карда буд.

Икром Турсунов мегӯяд, чунин тарзҳои гӯрондани ҷасад, хоси аксар манотиқи Осиёи Миёна, аз ҷумла шаҳрҳои бостонии Тоҷикистон мебошад.

Мудири шӯъбаи Осорхонаи таърихии вилоят мегӯяд, барои ин бозёфт ба Мазбутов ягон подош надодаанд: “Ин танҳо бозёфти таърихӣ асту бас, на беш аз ин”.

Ба қавли Икром Турсунов дар Тоҷикистон чунин бозёфтҳо хеле зиёданд аз ин рӯ бояд фаъолияти бостоншиносӣ дар кишвар тақвият дода шавад. Ӯ афзуд, бо сабаби набудани қиёфашинос (антрополог) онҳо натавонистаанд, ҷасадро мушаххас намоянд: “Бинобар ин, сокинони деҳ ҷасадро дар қабристонашон дафн намуданд”.

Қаблан, Рауф Мазбутов, сокини 44-солаи деҳаи Сандағундаки Истаравшан дар як суҳбати телефонӣ ба “Озодагон” гуфта буд, тахминан соати 12:30-и 12 ноябр ҳангоми шудгори замини боғаш бели ӯ ба як чизи сахте расид: “Баъдан, пораи кӯзаеро пайдо кардам ва шавқманд шуда, ба кофтан сар кардам, ки як хуми калон баромад. Сипас, онро тоза карда, аз дохилаш скелети одамро пайдо кардам. Аввал, косахонаи сар ва баъдан, қисмҳои дигари устухонро ёфтам”.

Мӯҳр

Хабарҳои монанд:

Хангоми нависондани матн аз Шумо эхтиромона хохиш карда мешавад, ки дурустар хонада, фахмида баъд матнро ворид кунед дар сомонаатон. Ташаккур!

Ҷавоб диҳед Иқтибос Шикоят

шахрванд

Мухтарам "Озодагон" дар вакти чопи макола магар ягон кас онро намехонад? Дар сарлавха тааллук менависед, дар матн бошад муталлик ва мутаалик. Забони точикиро тамоман дигаргун кардед ку.

Ҷавоб диҳед Иқтибос Шикоят

Эзоҳ илова кунед