Ҳалокати се нафар дар пайи садамаҳои ду рӯзи моҳи март
Вазорати умури дохилии Тоҷикистон мегӯяд, дар пайи садамаҳои нақлиётӣ дар қаламрави ҷумҳурӣ се нафар ба ҳалокат расидаанд.
Ба иттилои ин ниҳод, рӯзи якуми март ронандаи “Опел-Зафира”, сокини 34-солаи ноҳияи Рашт ҳангоми ҳаракат аз самти Душанбе ба ҷониби шаҳри Ваҳдат, идораи мошинро аз даст дода, дучархасавори 17-соларо пахш намудааст. Манбаъ мегӯяд дар натиҷа, ин ҷавон ҷароҳати вазнини ҷисмонӣ бардошта, дар роҳ ба сӯи беморхона ба ҳалокат расидааст: “Дар ин рӯз, ронандаи автомашинаи тамғаи “ЗИЛ-431610”, марди 50-солаи сокини шаҳри Душанбе, ҳангоми ҳаракат аз самти шаҳри Қӯрғонтеппа ба самти шаҳри Душанбе, дар ҳудуди деҳаи Лоҳури ҷамоати Навбунёд аз уҳдаи идораи воситаи нақлиёт набаромада, пиёдагард, марди 35-солаи сокини шаҳри Истаравшанро пахш намудааст. Дар натиҷа охирин ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст”.
Ба иттилои ВУД, рӯзи дуюми март бошад, ронандаи автомашинаи тамғаи “Чанху”, марди 23-солаи сокини шаҳри Хоруғ ҳангоми ҳаракат аз тарафи шаҳри Хоруғ ба тарафи деҳаи Сучон, дар ҳудуди кӯчаи В.Гулмамад аз уҳдаи идораи воситаи нақлиёт набаромада, пиёдагард, марди 48-солаи сокини ҳамин шаҳрро пахш намудааст: “Дар натиҷа охирин ҷароҳати вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |