18 мар 2016 10:48Тоҷикистон / Иҷтимоӣ / Тема дня

Боздошти ниқобдороне, ки бо таҳдид 65 ҳазор сомонии зани 58-солара рабудаанд

Вазорати умури дохилии Тоҷикистон мегӯяд, як гуруҳ афроди ниқобпӯш дар ноҳияи Вахш бо таҳдид 65 ҳазор сомонии як сокини ноҳияро тасарруф кардаанд.

Тибқи иттилои ин ниҳод, ҳодиса шаби 16 март рух дода, дар пайи муроҷиати ҷабрдида - зани 58-солаи сокини Вахш гумонбарон боздошт шудаанд.

Ба иттилои манбаъ, дастгиршудаҳо ду марди 25-сола (яке сокини ноҳияи Вахшу дигарӣ сокини ноҳияи Ҷиликӯл) ва сокини 23-солаи шаҳри Қӯрғонтеппа мебошанд. Вазорати умури дохилӣ мегӯяд, “гумонбарон ғайриқонунӣ вориди ҳуҷраи хоби зани 58-сола шуда, бо истифода аз корд ва чӯби бо худ овардаашон ба тарафи ӯ ва духтараш, зани 32-сола, ҳуҷум намуда, бо тариқи зӯроварӣ аз дохили сумкаи занона 65 ҳазор сомониро тасаруф намуда, аз ҷойи ҳодиса ғайб задаанд”.

Манбаъ афзуд, нисбати боздоштшудаҳо парвандаи ҷиноятӣ оғоз гардида, тафтишот идома дорад.

Мӯҳр

Хабарҳои монанд:

Darvesh

65000 somoni???? I zan ki budaast???

Ҷавоб диҳед Иқтибос Шикоят

Кухистони

Чунин ходисахо дар рузхои тангии зиндаги зёд шудан мегирад. Вакто, ки баъзе мардуми сустирода ва характери чинои дошта бе манбаи даромад ва бе пул мемонанд ва онхо зуд ба эхсосот дода шуда ба чунин рохо мераванд. Аз сабабе, ки чумхурии мо руз то руз кашок шуда истодааст на танхо чунин ходисахо рух доданаш мумкин, мумкини бадбини нисбати якдигар, баланд шудани зулми карздех болои карзгир, нотавонбинии коргар болои корфармо ва баръакс ва гайра. Ин омилхо метавонанд вазъиятро зуд тагир дода як фазои ноамнро ба вучуд биорад. Ба фикрам болои ин боз беадолатии конунхои амалкунанд ва хешутаборбозию махалпарасти дар хаёти сиёсии кишвар, боз вазъиятро бад хохад кард ва окибати хуб намеорад.

Ҷавоб диҳед Иқтибос Шикоят

Эзоҳ илова кунед