25 мар 2016 15:05Тоҷикистон / Сиёсат / Рӯ ба рӯ

Ирсоли парвандаи қаллобии бародари А.Ғоиб ба Суди Олӣ

Додситонии кулли Тоҷикистон тафтиши парвандаи ҷиноӣ алайҳи Наҷмиддин Саидов, раиси намояндагии "Тоҷиксодиротбонк" дар ноҳияи Данғара ва бародари Абдуфаттоҳи Ғоиб, раиси Хадамоти гумрукро ба анҷом расондааст. Дар ин бора ба “Озодагон” имрӯз, 25 март аз Додситонии кулли Тоҷикистон хабар доданд.

Ба иттилои ин ниҳод, парвандаи Наҷмиддин Саидов ва се гумонбари дигарро як ҳафта қабл ба Додгоҳи олӣ ирсол кардаанд. Аммо манбаъ аз ифшои ҷузъиёти бештари қазия худдорӣ кард.

Моҳи гузашта Ҷамшед Мирзохонзода, сардори раёсати тафтиши парвандаҳои махсусан муҳими Додситонии кулли Тоҷикистон зимни нишасти хабарӣ дар Душанбе гуфт, парванда бо иттиҳоми қаллобӣ алайҳи Наҷмиддин Саидов ба додситонӣ ворид гардидаст. Мирзохонзода илова намуд, дар ин қазия чанд нафари дигар ҳам ҳастанд, ки парвандаҳояшон вориди додситонӣ шудаанд. Додситонӣ он замон ҳам шахсияти муттаҳамони дигари ин парвандаро ифшо накарда буд.

Қаблан расонаҳо, иттилоъ иттилоъ доданд, Наҷмиддин Саидов, ки моҳи октябри соли гузашта ба иттиҳоми қаллобӣ боздошт гардид, бо пардохти 5 ҳазор нишондиҳанда, муодили 200 ҳазор сомонӣ, бо қарори додгоҳи ноҳияи Исмоили Сомонӣ аз боздошт раҳо шудааст. Тибқи иттилои нашршуда Наҷмиддин Саидов барои таъини як шаҳрванд ба мақоми раиси гумрук дар Суғд 600 ҳазор доллари амрикоӣ талаб карда, ҳангоми гирифтани қисме аз ин маблағ боздошт шудааст.

Мӯҳр

Хабарҳои монанд:

Дехоти

Агар ягон бародар ва фарзанди мардуми одди мешуд, худори намекарданд. Холо он бародари Саид Фатох, амаки писархонди Президент, худдори мекунанд. Кани бинем окибаташ чи мешавад, гарчанде маълум аст, ки хеч коре аз дасти онхо омода нест.

Ҷавоб диҳед Иқтибос Шикоят

Сафар

Озодаш мекунанд хатман бо ягон чаримаи 4-7 хазор сомона! Ва бозхам газаба мардумро ба ноадолатии суду прокурор меоранд, ки чи гуна нафаре барои намозхони бо дигар тарз аз 7 то 18 сол мегираду порахуре бо гирифтани зиëда аз ним милион долар озод мешавад!

Ҷавоб диҳед Иқтибос Шикоят

Хоркаш

Ҳеҷ гап надорад. Суди Олӣ парвандаро барои азнав дидан ба ВКД бармегардонад, он ҷо Шоҳрухҷон амакашро шутури сафед карда, кори прекуратураи генералиро ду пул мекунад.

Ҷавоб диҳед Иқтибос Шикоят

Довуд

Ба Сафар! Бародар у ягон вакт дар хабс набуд. Шумо навиштед, ки озодаш мекунанд. Уро худи хамон замон озодаш карда буданд ва дар озоди мегашту парвандааш тафтиш мешуд. Гавхорааш ки аз осмон фаромадааст зиндонро намебинад гарчанде чинояти нихоят впзнин содир кардааст. Вай ягон бечораи камбагал нест ки дар турма шинад.

Ҷавоб диҳед Иқтибос Шикоят

Эрач

Ин чи шурест ки дар даври камар мебинам, Хама офок пур аз фитнаву шар мебинам.

Ҷавоб диҳед Иқтибос Шикоят

Эзоҳ илова кунед