Русский  >>  فارسی  >>  Якшанбе 19 ноябр 2017, 02:21

Шикояти Зумрад Наҷмиддинова аз 5 соли ҳабси шавҳараш

26 март 2016, 11:22

Зумрад Наҷмиддинова, сокини ноҳияи Ҷалолиддини Балхӣ, ки додгоҳи ин ноҳия шавҳарашро 8,5 сол равонаи зиндон кардааст, мегӯяд, бо вуҷуди шикоятҳояш ба ниҳодҳои баландпояи кишвар аз ин ҳукм ҳанӯз посухи мушаххас нагирфтааст.

Зумрад Наҷмиддинова ба дафтари “Озодагон” омада гуфт, баъди як муноқиша бо ҳамсоя додгоҳ 22 апрели соли 2015 ҳамсараш -- Ғанихон Назаровро дар авбошӣ ва расонидани зарари ҷисмонӣ муҷрим шинохта, 8,5 сол аз озодӣ маҳрум сохт. Ба қавли хонум Наҷмиддинова, аз ин ҳукм ба додгоҳи вилояти Хатлон шикояти касатсионӣ бурд ва 3,5 сол аз муҳлати ҷазои ҳамсараш кам карда шуд: “Аммо ҳеч далеле барои панҷ сол ҳабс кардани шавҳари ман нест. Дар мурофиаҳои судӣ чизе исбот нашуд”.

Ӯ иддао дорад, аслан дар ин қазия на шавҳари ӯ, балки дигарон ба ҷавобгарӣ кашида мешуданд: “Ин кор ҳамин хел шуд, ки як рӯз ҳамсарам аз кори савдо, аз бозор ба хона омад. Ҳамин вақт писари бародараш бо даҳону бинии варам омада гуфт, 5 писари ҳамсоя ӯро заданд. Шавҳари ман барои маълум кардани сабаби ҷанҷол рафт, аммо онҷо дашномаш карданду мехостанд, ки латту кӯб кунанд ва ӯ гурехта ба хона омад”.

Зумрад мегӯяд, баъди чанд лаҳза 5-6 нафар аз наздикони писари ҳамсоя ба ҳавлиашон омада, муноқиша карданд: “Маро низ заданд, ҳуҷҷати суд-экспертизаро дорам. Дар ҳавлии мо сари яке аз онҳо ҷароҳат бардошт ва шавҳари маро ба суд доданд. Мо даъво бурдем, ки ӯро шавҳари ман назадааст, балки рӯи оҳанпораҳое, ки дар ҳавлӣ буд, афтида, ярадор шудааст”.

Ҳамсари Ғанихон Назаров мегӯяд, барои расидагии одилона ба қазияи шавҳараш ба Дастгоҳи раисиҷумҳури Тоҷикистон, Додгоҳи олӣ, Додситонии кул муроҷиат кард, вале ҳанӯз посухи мушаххасе нагирифтааст. Ба гуфтаи ӯ, танҳо аз Дастгоҳи раисиҷумҳур мактубе гирифт, ки дар он ба Додгоҳи олӣ ва Додситонии кулл гуфта шудааст, ин масъаларо дида, аз натиҷааш ба муаллифони муроҷиатнома хабар диҳанд: “Мо интизорем, ки чӣ мешавад. Шунидем ки аз Прокуратураи генералӣ низ ба маҳбасхонаи №7-и шаҳри Душанбе, ки шавҳарам он ҷо аст, мактуб ирсол шудааст, ки бояд то 28 март парвандаи шавҳарам аз нав дида шавад”.


Шарҳи худро бинависед:

Ном:*
E-Mail:
Матни шарҳ:
Посух додан
  • Маалим

  • 26 март 2016 12:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар дар ҳавлии худаш зада бошад ҳам барои ҳифзи худ, аъзои хонавода ва моликияти шахсияш кардааст.
Чӣ хел дар ҳарими шахсии ман (ҳавлии ман) даромада, хонаводаи маро мезананд ва ман коре намекунам?! Агар ман мебудам, пои ҳамаи он нафаронро зада мешикастам.
Қонун дахлнопазирии ҳарими шахсӣ ва моликияти шахсиро кафолат медиҳад.
Аз Прокурори Генералии хоҳиш ҳамин, ки ҳамон одамҳои делокушодаро аз тафтиш ва санҷиши касбӣ гузаронанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин хама талошхо бефоида аст апаи азиз. Дар чунин казияхо пул рол бози мекунад. Прокуратура ва суд оё фикр мекуни, ки пушти хакикат мегарданд? Агар чунин мешуд он хамма касрхои бошукухи ин афрод ва зиндагии тилоии хонаводаи онхо аз кучо мебуд. Инро хамма медонад ва хато раиси чумхур хам. Боз барои онхо аз бучаи давлат харуз коргоху утокхои замонавии кори ва хонахои баланд ошиёна сохта рогон такдим мешавад. Ин хама барои он аст, ки дар холатхои зарури пушти хукуматро химоят кунанд. Пул ёбу шавхарата хар.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Нахзатихоро бе ягон исботу далел 25 соли хабс мекунанду , инаш бахайр аст.
Посух додан
  • Саид

  • 26 март 2016 16:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Апаи зумрат бисе нанавис бо 10 солш накнан.
Посух додан
  • Бевафо.

  • 27 март 2016 11:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ахсант хохарам, зани вафодор будаед.Занеро медонам,ки панч вакт намоз мехонду курьонро низ бо мушкило кироат мекард.Сохиби 3–фарзанд.Халифаву сатрпуш буд.Шавхарашро 12–сол хабс карданд.Дар ним сол талок пурсид.Чудо шудОмада дар Питер парастори кампири барчомондае шуда,«кавлер»и ришдори таксиронпайдо кард.Боз тарзи сатрпушихояш дигар хел–тангу«фигурадор» гардид.Лекин хаму «мун мун» гуфтанаш дмгар нашуд.Эьтикодам ба ин «халифабиби» коста шуд.Бехтараш бо Зарринаи сигоркаши ошкоро истода,сигор дуд додан хубтар аст.Зеро,ки у бо ду бародари худ дар хучраи алохида зинлаги доранд.Ба чуз сигоркашиаш дигар рафтори бадеро дар у надидам.Субхгохон ба кор%кучаруб) рафта,шомгохон бар мегардад.Баьзеи холатхо бародаронашро бо лафзи руси чунон хам дашномхои ошенадор мекунад.Оекин боз аз худо тавба мепурсаду ба балкон баромада «дуди гам»ро мебарорад.

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!