Русский  >>  فارسی  >>  Душанбе 18 феврал 2019, 14:59

“Ақибнишинӣ”-и неруҳои Узбакистон аз марз бо Қирғизистон

28 март 2016, 10:29

Узбакистон тамоми неруҳояшро аз минтақаи Чаласарт дар марз бо Қирғизистон берун бурд. Дар ин бора аз маркази матбуоти Алмосбек Отамбоев, раисҷумҳури Қирғизистон хабар додаанд.

Ба иттилои манбаъ, Раимбердӣ Дуйшенбиев, раиси хадамоти давлатии марзбонии Қирғизистон дар суҳбати телефонӣ ба Алмосбек Отамбоев гуфтааст, 26 март ҷониби Узбакистон техникаи ҳарбӣ ва низомиёнашро аз минтақаи баҳсноки марзии Чаласарти ноҳияи Оқсойи вилояти Ҷалолобод берун бурдааст.
Раиси хадамоти давлатии марзбонӣ гуфтааст, тибқи қарордоди ҳосилшуда, ниҳодҳои марзбонии ҳар ду кишвар тартиби маъмулии ҳифозати марзро идома медиҳанд.

Канор бурдани техникаи ҳарбӣ ва низомиёни узбак баъд аз мулоқоти раҳбарони ниҳодҳои марзбонии Узбакистон ва Қирғизистон дар 25 март дар гузаргоҳи марзии “Қизил-Қия-автодорожний” шурӯъ шудааст. Ба иттилои маркази матбуотии Хадамоти давлатии марзбонии Қирғизистон, ин мулоқот бо дархости ҷониби Узбакистон сурат гирифтааст.

Буҳрони навбатӣ дар марз замоне сар зад, ки 18 март ҷониби Узбакистон дар минтақаи баҳсноки марзӣ сарбозон ва техникаи ҳарбиро ҷобаҷо кард. Дар посух Қирғизистон низ дар ин минтақа неруҳои изофиро ҷойгир намуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Акнун бояд Киргизхо дарк кунанд, ки чунин рафтор боиси ранчиш ва кохиши ду хамсоя мегардад. Киргизхо чанд бораст, ки чунин амалро ба Точикистон раво мебинанд. Лекин хукумати мо чунин чорахои фавриро намеандешад. Агар меандешид онхо низ чуръат намекарданд ва ба хонаи шахрванди точик шахрванди киргизро чо намекарданду дар боми бинои точик байраки киргизро намеовехтанд. Ватанпосдориро аз мардуми чашмтаг бояд точикхо омузанд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!