Русский  >>  فارسی  >>  Душанбе 24 июн 2019, 18:13

Ҷоиза барои нишасти изтирории ҳавопаймо дар Остона

28 март 2016, 11:43

Асет Исекешев, вазири сармоягузорӣ ва рушди Қазоқистон дар Facebook-аш навишт, халабон ё сарнишинҳои ҳавопаймои ширкати Bek Air, ки дар фурудгоҳи Остона бе қурбонӣ нишасти изтирорӣ анҷом доданд, ба мукофотҳо пешбарӣ мешаванд.

Ҳавопаймои ширкати қазоқистонии Bek Air, ки аз Қизилорда ба Остона парвоз мекард, соати 10:36 ба сабаби мушкили боз нашудани пояи чархи пеш дар фурудгоҳи пойтахти Қазоқистон нишасти изтирорӣ анҷом дод. Дар дохили ҳавопаймо 116 мусофир ва 5 аъзои тими сарнишинҳо қарор доштанд.
Хабаргузориҳои маҳаллӣ навиштаанд, аз рӯи ин ҳодиса додситонии нақлиётӣ тибқи моддаи “Вайрон кардани қоидаҳои таъмини амнияти ҳаракат ва истифодаи ҳавопаймо” парвандаи ҷиноятӣ боз карда, вазорати сармоягузорӣ ва рушд барои таҳқиқи ин ҳодиса комиссия ташкил додааст.

Фаъолияти фурудгоҳи Остона барои муддате қатъ шуда, дар парвози ҳавопаймоҳои ширкатҳои Air Astana, Scat, Bek Air дар самтҳои Бишкек, Алмаато, Актау, Қизилорда, Уралск таъхир пеш омад, менависад хабаргузории “Интерфакс-Қазоқистон”.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!