Додситони кулл: “Ҷиҳод” мақсади меҳварии “Салафия” аст
Юсуф Раҳмон дар мусоҳибааш бо рӯзномаи “Ҷумҳурият” густариши корҳои фаҳмондадиҳӣ миёни муҳоҷирони меҳнатиро зарур хонда, дар идома боздошти имом-хатиби масҷиди панҷвақтаи «Абузари Ғифорӣ»-и ҷамоати деҳоти Ҳаёти нави ноҳияи Ҷаббор Расуловро мисол овардаст: “Муайян карда шуд, ки шаҳрванд Абдурасул Аҳмадов бо ҳамдеҳагонаш А. Сатторов ва Д. Тоҳиров моҳи майи соли гузашта дар шаҳри Маскав бо даъвати Илёс Малабоев, ки ҳамчун аъзои ташкилоти террористии «Давлати исломӣ» дар кофтукоби расмӣ қарор дорад, ба сафи ин созмон шомил гардиданд. Малабоев ба онҳо таъкид кардааст, ки барои ҷиҳод иштирокашон дар задухӯрдҳои мусаллаҳонаи Сурия ҳатмӣ набуда, метавонанд дар ҷойи истиқоматӣ ҳамдеҳагонашонро ба ҷиҳод даъват намоянд. Сипас, онҳо моҳи сентябри соли 2015 ба ҷойи истиқоматашон баргашта, дар масҷиди панҷвақтаи ба номи «Абузари Ғифорӣ»-и ҷамоати деҳоти Ҳаёти нави ноҳияи Ҷаббор Расулов якҷо бо А. Сатторов, имом-хатиби масҷиди номбурда, ба ташвиқу тарғиби ғояҳои ҷиҳодӣ ва даъвати ҳамдеҳагонашон барои иштирок дар ҷангҳои Сурия машғул шудаанд. Онҳо дастгир ва нисбаташон парвандаҳои ҷиноятӣ оғоз шуданд”.
Додситони кулли Тоҷикистон таъкид кардааст, ки дар сафи “Давлати исломӣ” дар Ироқу Сурия 1 ҳазору 94 тоҷикистонӣ меҷанганд, ки аксарашон пайрави ҷараёни Салафия мебошанд: “Бояд хотирнишон намуд, ки даъват ба «ҷиҳод» яке аз мақсадҳои меҳварии «Салафия» буда, бештари шаҳрвандони Тоҷикистон, ки ба гурӯҳи «Давлати исломӣ» шомил шуда, дар Сурия ва Ироқ бар зидди қувваҳои ҳукуматӣ меҷанганд, аввал ба ҷараёни динии «Салафия» гаравидаанд. Бо дарназардошти ин ҳолат, дар ҷаласаи 10 марти Шӯрои ҳамоҳангсозии фаъолияти мақомоти ҳифзи ҳуқуқи ҷумҳурӣ аз прокуророн ва намояндагони мақомоти ҳифзи ҳуқуқ талаб карда шуд, ки фаъолиятро дар самти мубориза бо амалҳои ҷинояткоронаи пайравони ин равияи экстремистӣ низ ба таври зарурӣ ба роҳ монанд”.
Оқои Раҳмон илова намудааст аз миёни тоҷикистониёне, ки феълан дар Сурияю Ироқ меҷанганд, 400 нафарашон аз вилояти Хатлон, 272 нафар аз Суғд, 254 нафар аз навоҳии тобеи марказ, 139 нафар аз Душанбе ва 26 нафарашон аз Вилояти мухтори куҳистони Бадахшон мебошанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
