29 мар 2016 08:12Тоҷикистон / Дин ва зиндагӣ

Эълони озмун барои таҳияи ҷузвдони ҳоҷиёни тоҷик

Кумитаи дин, танзими анъана ва ҷашну маросимҳои миллии Тоҷикистон мегӯяд, ҷиҳати омода намудани ҷузвдонҳои хурду калон барои ҳоҷиёни Тоҷикистон дар мавсими “Ҳаҷ-2016” озмун эълон кардааст.

Тавре аз ин ниҳод ба “Озодагон” гуфтанд, озмун якуми апрели соли равон соати 1500 дар бинои кумита гузаронида мешавад. Соли 2013 ширкати "Ёқут-2000" либоси махсуси зоирони тоҷикро, ки ба тавофи Каъба мераванд, омода карда буд.

Аввалҳои март Кумитаи дин дар робита ба интихоби роҳбаладони мавсими “Ҳаҷ-2016” низ озмун эълон карда буд. Афшини Муқим, як масъули ин ниҳод 4 март ба “Озодагон” гуфт, онҳое ба ҳайси роҳбалад баргузида мешаванд, ки аз маносики ҳаҷ огоҳии комил дошта, маҳорати хуби ташкилотчигӣ ва муошират бо ҳоҷиёнро доро бошанд: “Инчунин ҷисман обутобёфта бошанд, дар шароити душвор фаъолият намоянд ва забони арабӣ ё англисиро дар сатҳи муошират балад бошанд”.

Ба иттилои манбаъ, дар озмуни роҳбаладони мавсими “Ҳаҷ-2016” нафарони то 60-сола метавонанд иштирок намоянд.

Мӯҳр

Хабарҳои монанд:

Хочи

Илтимос хамин либосхои хаччиро каме хубтар кунед , бахудо аз либосхои точикон дар хач шармат меояд , монанди Африкиёнем , хатто либосхои Киргизхо аз мо хубтару бехтананд. Як чизи дигар либосхои занонаа бенихоят шаффофаст вакто ки хочиён арак мекунанд кариб ки аъзохои баданашон метобад.

Ҷавоб диҳед Иқтибос Шикоят

nabi farhor

Сафар барои Хач нархро ба танзим дароранд .Мо бо киргизхо хамсархадем вайхо агар барои сафар 3000$-харч кунанд,мо бошем 5000$ чаро.

Ҷавоб диҳед Иқтибос Шикоят

салим

Ёкут 2000 хайрат, ки ай атласу чакан накади либосои хочиора фархангамонро муаррифы гунем гуфта..

Ҷавоб диҳед Иқтибос Шикоят

Эзоҳ илова кунед